1 Reyes 9 - Tayta Diospa Wilakuynin

Salomónta Tayta Dios promitishqan

¹ Yarpashqannömi Salomónqa Tayta Diospa templunta, rey täkunan palaciuta y lapantapis munashqan kaqta sharkasir usharqan.

² Saypitanami Gabaóncho yuripashqanno Salomónta yapay Tayta Dios yuripaykur

³ nirqan: <

⁴ <

⁵ papäniki Davidta promitishqänölami qampita miraqkuna imayyaqpis Israel runakunapa mandaqnin rey kayanqa.

⁶ <

⁷ qoykushqä nacionpita qarquyäshaykimi. Adorayämänaykipaq chaskishqä templuta kachariykushaqmi. Qamkunata castigaptïmi juklä nacioncho taq runakunapis kushipäyäshushpayki manakaqman churayäshunkipaq.

⁸ Kay templu raqälana kaykaqta rikaykurmi runakuna mansakäyashpan niyanqa: <¡Imanirraq kay nación runakunata y kay templutapis Tayta Dios ushakäsish!>

⁹ Sayno niptinmi niyanqa: >>.

Rey Salomón wakin rurashqankuna

¹⁰ Tayta Diospa templunta y rey täkunan palaciuta ishkay chunka (20) watachömi Salomón sharkasiyta usharqan.

¹¹ Templuta sharkasinanpaqmi cedru qeruta, ciprés qeruta y qoritapis nistashqan tupu Tiro markapa mandaqnin rey Hiram kamariparqan. Sayno kamaripashqanpitami rey Salomónqa Galileacho ishkay chunka (20) markakunata qoykurqan.

¹² Saymi Hiram aywarqan Salomón qoykushqan markakunata rikananpaq. Isanqa gustunpaqno mana kaptinmi

¹³ Salomónta nirqan: <> Say markakuna mana väliyashqanta nishqanpitami say partitaqa Cabul jutiwan reqiyan. Kananyaqpis saynölami say partipa jutin kaykan.

¹⁴ Salomónman Hiram apasishqan qori karqan kimsa waranqa esqun pachak soqta chunka (3,960) kïlumi.

¹⁵ Rey Salomónqa faynasiypami arusirqan Tayta Diospa templunta, kikinpa palaciunta, patak kananpaq Milo perqata y Jerusalén markapa murällanta. Saynöpis alsasirqan Hazor, Meguido y Gezer markakunatapis.

¹⁶ Nawpatami Gezer markaman chaykushpan Egiptupa mandaqnin rey Faraón saycho taq cananeo runakunata lapanta wanuykasir wayikunatapis rupasir usharqan. Nirkurnami Salomónwan täsishqan warmi surinta say markata qoykurqan.

¹⁷ Saymi Salomónqa alsasirqan Gezer markatapis. Saynölami alsasirqan ura kaq Bet-horón markata,

¹⁸ Baalat markata y sunyaq jirkacho kaykaq Tadmor markatapis.

¹⁹ Saynölami alsasirqan mikuy churakunan markakunata, guërra carrëta churakunan wayikunata y cawallun loqash aywaq soldädukunapa cuartilninkunatapis. Saynölami lapan yarpashqanta rurasirqan Jerusaléncho, Líbanucho y maysaychöpis mandashqan kaqchöqa.

²⁰ Say wisan Israel nacioncho taykäyarqanraqmi amorreo runakuna, heteo runakuna, ferezeo runakuna, heveo runakuna y jebuseo runakunapis. Paykunaqa manami Israel runakunasu kayarqan.

²¹ Say runakunapa unay ayllunkunataqa Israel runakuna nacionninman yaykur manami wanusiyarqansu. Saymi say runakunapita miraqkunaqa Israel nacioncho kaykäyaptinraq Salomón churarqan faynakunacho aruyänanpaq. Kananyaqpis saynölami paykunaqa faynakunacho aruyan.

²² Israel runakunatami isanqa obligarqansu faynacho aruyänanpaq. Saypa trukanqa paykunata churarqan soldädukuna, autoridäkuna, mandaqkuna, capitankuna, carrëta manijaq soldädukuna y cawallun loqash aywaq soldädukuna kayänanpaqmi.

²³ Salomónpa aruqninkunapa capatazninkuna kayarqan pisqa pachak pisqa chunkami (550). Paykunami faynacho runakunata arusiyaq.

²⁴ Davidpa Markancho taykashqanpitami Faraónpa warmi surin witikurqan Salomón rurasipashqan palaciumanna. Saycho taptinnami nishqan patak kananpaq perqarkasir alpata qotusirqan.

²⁵ Templuta sharkasiyta ushaskirmi cada watacho kimsa kuti Salomón rurasishqan altarcho rupasina sacrificiukunata y ali kawakuy sacrificiukunata rupasiyaq. Saynölami inciensuwanpis Tayta Diospaq qoshnisiyaq.

²⁶ Saynölami büquikunatapis rey Salomón rurasirqan Ezión-geber markacho. Sayqa kaykan Puka Lamarpa kuchuncho y Elatpa nawpanchömi. Elatqa Edom nacionchömi kaykan.

²⁷ Payta yanapäyänanpaqmi rey Hiram sayman kacharqan büqui manijay yachaq capitankunata.

²⁸ Saynöpami say runakuna Salomónpa capitanninkunawan lamarpa aywayashpan Ofirman chäyarqan. Ofirpitami Salomónpaq apayämurqan cäsi chunka chusku waranqa (14,000) kïlu qorita.