1 Reyes 5 - Tayta Diospa Wilakuynin

Rey Hiramwan Salomón wilanakuyashqan

¹ 1 (15) Tiro markapa mandaqnin rey Hirammi mayarqan Davidpa surin Salomóntana rey kananpaq churayashqanta. Saymi Davidwan yachanänakush kar runakunata kacharqan Salomónta felicitayänanpaq.

² 2 (16) Felicitayaptinmi Salomónpis say kachakunawan Hiramman encargakur nirqan:

³ 3 (17) <

⁴ 4 (18) Kananmi isanqa Tayta Diosnï yanapämaptin lapan nacionkunawanpis jawkalana kawaykäyä. Pipis conträ manana sharkuptinmi guërrapis kannasu.

⁵ 5 (19) Saynöpami kananqa yarpashkä Tayta Diosnïpa templunta sharkasiyta. Templunta sharkasinäpaqmi papänï Davidta Tayta Dios nirqan: .

⁶ 6 (20) Sayno kaptinqa templuta sharkasinäpaq Líbano muntipita cedru qerukunata mutusipaykalämay. Qamqa musyankimi kaycho taq runakuna qeru mutuyta shumaq mana yachayashqanta. Saymi ruwakulä minkaynikikuna minkaynïkunata yanapaykuyänanpaq. Minkaynikikunapa jornalnintaqa pägaläshaykimi>>.

⁷ 7 (21) Salomón sayno nishqanta wilayaptinmi seqaypa kushikur Hiram nirqan: <<¡Tayta Dios alabash kaykuläsun! ¡Paymi Davidpa surinta shumaq yanapash yachaq kananpaq y Israel nacionta ali mandananpaqpis!>>

⁸ 8 (22) Saypitanami Hiramqa Salomónta wilakasir nirqan: <

⁹ 9 (23) Saymi minkaynïkunawan Líbanupita lamar kuchunyaq qerukunata jorqarkasimur balsatano yakulapa apasimushaq mayyaqpis nimashqaykiyaq. Saychönami qerukunata shuntasinki. Apasimushqä qerukunapa trukan mikuyta apasimunki palaciücho taqkuna mikuyänanpaq>>.

¹⁰ 10 (24) Saymi Hiram jorqasiparqan Salomón munashqan cedru y ciprés qerukunata.

¹¹ 11 (25) Salomónnami Hirampa palaciuncho taqkuna mikuyänanpaq cada wata apasiq chusku millón chusku pachak waranqa (4'400,000) kïlu trïguta y chusku waranqa chusku pachak (4,400) läta olïvu aceitita.

¹² 12 (26) Tayta Diosqa promitishqanta cumplirmi Salomónta yanaparqan yachaq kananpaq. Saymi Hiramwan Salomón pactuta rurayarqan imaypis mana chikinakuypa kawayänanpaq.

¹³ 13 (27) Saypitami rey Salomón intëru Israel nacionpita kimsa chunka waranqa (30,000) runakunata qorirqan.

¹⁴ 14 (28) Say runakunatami kimsa puntaman rakiskir cada killa juk puntata kacharqan Líbanucho aruyänanpaq. Juk killa aruskirmi ishkay killa jamayänanpaq wayinkunaman say runakuna kutiyaq. Faynacho aruqkunapa capatazninmi Adoniram karqan.

¹⁵ 15 (29) Saynöpis Salomónpa aruqninkuna kayarqan qanchis chunka waranqa (70,000) ashtaqkuna y puwaq chunka waranqa (80,000) rumi laqlaqkuna.

¹⁶ 16 (30) Runakunata arusiyänanpaqnami kimsa waranqa kimsa pachak (3,300) capatazkuna kayarqan.

¹⁷ 17 (31) Aruqkunawanmi rey Salomón ashtasimurqan jatusaq alinnin rumikunata. Nirkurmi templupa cimientunpaq say rumikunata laqlasirqan.

¹⁸ 18 (32) Saynölami Gebal marka runakunapis Salomónpa minkayninkunata y Hirampa minkayninkunata qeru mutuycho y rumi laqlaycho yanapäyarqan.