1 Reyes 18 - Tayta Diospa Wilakuynin

Rey Acabwan Elías yapay tinkuyashqan

¹ Usya qalaykushqanpita kimsa wata päsarkuptinnami Elíasta Tayta Dios nirqan: <>.

² Saymi Acabta wilaq Elías aywarqan. Samaria markacho pasaypa muchuy kaptinmi ni imapis mikuyänanpaq karqansu.

³ Sayno kaptinmi Acab qayasirqan palaciucho yanapaqnin Abdíasta. Payqa Tayta Diosta mansapakuq runami karqan.

⁴ Saymi Tayta Diospa profëtankunata Jezabel wanusinan wisan Abdíasqa pachak (100) profëtakunata pisqa chunka (50) kama ishkay machaykunaman pakaykurqan. Say machaykunalamanmi mikuytapis yakutapis apaparqan.

⁵ Fiyupa usya kaptinmi Abdíasta rey Acab nirqan: <>.

⁶ Sayno wilanakuskirmi yarquyarqan Acab juk nänipa y Abdías juk nänipa.

⁷ Nänipa Abdías aywaykashqanchömi Elíaswan tinkurqan. Elías kashqanta reqiykurmi urkunpis pasaman töpashqanyaq qonqurpakuykushpan nirqan: <>

⁸ Sayno tapuptinmi Elías nirqan: <>.

⁹ Sayno niptinmi Abdías nirqan: <

¹⁰ Tayta Dios musyanmi patronnï maysay nacionpa ashisishushqaykita. Mana tarishushpaykimi say nacionpa mandaqnin reykunatapis jurasish rasunpaypa mana rikayäshushqaykita.

¹¹ ¿Sayno mana tariykäshuptikiku kanan nikämanki kaycho kaykashqaykita patronnïta wilanäpaq?

¹² Wilaq aywaykaptilänachir Tayta Diospa Espïritun maypapis apakushunki. Wamra kashqäpita pasa Tayta Diosta mansapakur kawaykaptïpis Acab shamur mana tarishushpayki noqatachir wanusimanqa.

¹³ ¿Manaku wilayäshushkanki profëtakunata Jezabel wanusinan wisan imata rurashqätapis? Pachak (100) profëtakunata ishkay machayman pisqa chunka kama (50) pakaykurmi mikuytapis yakutapis apaparqä.

¹⁴ ¿Sayno yanapaykaptïku kanan nikämanki Acabman aywaykur kaycho kaykashqaykita wilanäpaq? Wilaptïqa mana tarishushpayki wanusimanqachir>>.

¹⁵ Sayno niptinmi Elías nirqan: <>.

¹⁶ Niptinmi Abdíasqa aywar rey Acabta wilarqan. Wilaykuptinmi Acabqa jukla Elíaswan tinkuq aywarqan.

¹⁷ Elíasta rikaykurmi Acab nirqan: <<¡Qammi jusayuq kaykanki Israel runakuna sayjinanpa nakayänanpaq!>>

¹⁸ Sayno niptinmi Elías nirqan: <

¹⁹ Carmelo jirkaman lapan Israel runakunata kanan shuntasimuy. Saynöpis sayman qayasimuy Baalpa chusku pachak pisqa chunka (450) profëtankunata y Asera diösapa chusku pachak (400) profëtankunatapis. Say profëtakunatami warmiki Jezabel pachan qaraykan>>.

Baalpa profëtankunata Elías manakaqman churashqan

²⁰ Sayno niptinmi lapan Israel runakunata y profëtakunata Carmelo jirkaman Acab shuntasirqan.

²¹ Saychömi runakunata Elías nirqan: <>. Sayno niptin saycho kaykaq runakuna manami imatapis parlakuyarqansu.

²² Saymi Elías nirqan: <

²³ Kanan ishkay turïtukunata apayämushpan Baalpa profëtankuna juk turïtuta pishtaskir yanta jananman churayäsun. Isanqa say yantaman ninata ama sarisiyäsunsu. Noqapis saynölami jukaq turïtuta pishtaskir yanta jananman churashaq. Nirkur manami yantaman ninata sarisishaqsu.

²⁴ Nirkurna diosnikikunata manakuyanki. Saynölami noqapis Diosnïta manakushaq. Mayqanpis ninata yantaman sarisiq kaqmi rasunpaypa kaq Dios kaykan>>. Sayno niptinmi runakuna niyarqan: <>.

²⁵ Saymi Baalpa profëtankunata Elías nirqan: <>.

²⁶ Sayno niptinmi paykunaqa pishtayashqan turïtupa aysanta yanta jananman churaykur tutapita pulan junaqyaq Baalta manakuyarqan: <<¡Ninata rataykasilay, tayta Baal!>> nir. Sayno qayaykachar rurayashqan altar nawpanpa saltaykachäyashpan tumapäyaptinpis manami pipis contestamurqansu.

²⁷ Pulan junaqnami Elíasqa paykunata manakaqman churashpan asipar nirqan: <<¡Wiyayäshunaykipaq mas sinchi qayaräyay! ¿Manaku paypis diosniki kaykan? Capazchir imalatapis ruraykan. Saynöpis capazchir ishpakuykan. Capazchir ilaykanpis o punukashqapis kaykan. ¡Rikchananpaq mas sinchi qaparäyay!>>

²⁸ Sayno niptinmi mas fuerti qaparäyashpan costumbrinkuna kashqanno cuchillukunawan y espädakunawan yawarlana kusukuyarqan.

²⁹ Tardi kaq sacrificiuta rupasiyänan hörayaq löcuno qayarar manakuyaptinpis manami pipis contestarqansu ni imapis wiyakämurqansu.

³⁰ Saypitanami runakunata Elías nirqan: <>. Sayno niptinmi nawpanman lapan shuntakäyarqan. Elíasnami Tayta Diospa altarnin juchush kaykaqta alsarqan.

³¹ Alsananpaqmi Jacobpa surinkuna chunka ishkay kayaptin chunka ishkay rumikunata shuntarqan. Jacobpa jutin Israel kananpaqqa kikin Tayta Diosmi nirqan.

³² Say shuntashqan rumikunawanmi Tayta Diospa altarninta Elías alsarqan. Nirkurmi altar nawpankunapa zanjata rurarqan ishkay chunka (20) litru yaku yaykunanpaqtano.

³³ Altar jananman yantata sulkarkurnami pishtashqan turïtupa aysanta cuartusaskir yanta jananman churarqan.

³⁴ Nirkurmi nirqan: <>. Nishqanno winayaptinmi <> nirqan. Yapay winayaptinmi <> nirqan. Sayno niptinmi yakuta yapay winayarqan.

³⁵ Nishqanno winayaptinmi altarcho kaykaqta chipyaq ushmar zanjamanpis juntarqan.

³⁶ Saypitanami sacrificiuta rupasiyänan höra Tayta Diosta Elías manakurqan: <

³⁷ Tayta Dios, munayyuq kashqaykita tantiyayänanpaq y qamlamanna yapay yärakayämunanpaq manakushqäta wiyaykalämay>>.

³⁸ Sayno manakuyta ushaskiptinmi ciëlupita nina ratamur usharqan pishtashqan turïtupa aysanta, yantata, perqaraykaq rumikunata y alpatapis. Altar nawpan zanjacho kaykaq yakutapis chipyaqmi sakisirqan.

³⁹ Sayta rikaykurmi runakunaqa lätakuykushpan niyarqan: <<¡Elías manakushqan kaqmi rasunpaypa kaq Dios kaykan!>>

⁴⁰ Saypitanami Elías nirqan: <>. Sayno niptinmi runakuna say profëtakunata prësu sariyarqan. Cisón raqraman apaykurmi lapan say profëtakunapa kunkanta Elías roqurqan.

Tamyamunanpaq Tayta Diosta Elías manakushqan

⁴¹ Saypitanami Acabta Elías nirqan: <>.

⁴² Elías sayno niptinmi mikuq y upuq Acab aywakurqan. Elíasmi isanqa Carmelo jirkaman wisaykur qonqurpakuykurqan qaqlanpis qonqurninman töpashqanyaq.

⁴³ Nirkurnami ashmayninta Elías nirqan: <>. Sayno niptinmi ashmayninqa aywaykur lamarläpa rikachakurqan. Kutiykurmi nirqan: <>. Sayno niptinmi ashmayninta Elías nirqan qanchis kuti rikachakamunanpaq.

⁴⁴ Qanchis kaq rikachakamuyninchömi nirqan: <>. Sayno niptinmi Elías nirqan: <>.

⁴⁵ Aywar wilaykuptinmi Acab carrëtaman jukla wisarkur Jezreelman aywakurqan. Saymi ciëlu pasaypa yanawyakarkamuptin wayrantin waqya tamya qalakuykurqan.

⁴⁶ Elíasnami Tayta Dios yanapaptin mödananta shumaq watakurkur Jezreelman cörrila aywar Acabpa puntanta charqan.