1 Juan 3 - Tayta Diospa Wilakuynin

Tayta Diospa wamrankuna kashqansi

¹ ¡Tantiyakuyay! ¡Tayta Dios seqaypami kuyamansi! Kuyamashpansimi <> nimansi. Rasunpaypami wamrankuna kaykansi. Wamran kashqansitaqa Tayta Diosta mana chaskikuq runakuna manami tantiyayansu. Sayno tantiyayansu Tayta Diosta mana reqirmi.

² Kuyay wawqi panikuna, Tayta Diospa wamran kashqansita kanan musyarpis manami musyansiraqsu imano kanansipaq kashqantapis. Sayno kaptinpis musyansimi Jesucristo kutimuptin paywan tinkur kikin niraqman tikranansipaq kashqanta.

³ Sayno kanansipaq kashqanta shuyakuykarqa Jesucristo jusaynaq püru kashqanno noqansipis jusaynaq püru kashun.

⁴ Pipis jusalikurqa Tayta Diospa leyninkunata manami cäsukunsu.

⁵ Musyansimi jusaynaq kanansipaq Jesucristo kay pasaman shamushqanta. Payqa manami imaypis jusalikushsu.

⁶ Saymi Jesucristupa makincho kawaqkunaqa jusalikuyta kachariyan. Jusalikuyta mana kachariqkunaqa manami Jesucristuta chaskikuyashsu ni reqiyansu.

⁷ Kuyay wamräkuna, pipis <> nirqa Jesucristunömi alikunata rurar kawasun. Cäsukuq kashqanta nikar jusalikuptinqa yachasiyäshushqaykita ama chaskiyaysu.

⁸ Jusalikuyta mana kachariq kaqqa diablupa munayninchömi kaykan. Diabluqa kay pasa qalaykushqanpita pasami jusalikun. Diablu rurashqankunata ushakäsinanpaqmi Tayta Diospa Surin Jesucristo shamush.

⁹ Tayta Diospa wamran kaqkunaqa manami jusalikuyannasu, sinöqa Tayta Dios munashqannönami kawayan. Tayta Diospa wamran karmi jusalikuyta kachariyan.

¹⁰ Pipis jusalikur y runa mayinta chikirqa manami Diospa wamransu kaykan, sinöqa diablupa wamranmi. Saynöpami musyansi Diospa wamran pï kashqanta y diablupa wamran pï kashqantapis.

Pïmaywanpis kuyanakunansipaq nishqan

¹¹ Jukninsi jukninsipis kuyanakunansipaq kashqantaqa unaypitanami musyansi.

¹² Ama kashunsu Caínnöqa. Payqa diablu munashqanta rurarmi wawqin Abelta wanusirqan. ¿Imanirtaq wanusirqan? Kikin rurashqankuna mana ali kaptin y wawqin rurashqankuna ali kaptinmi wanusirqan.

¹³ Wawqi panikuna, musyansimi jusalikuq runakuna chikimashqansita.

¹⁴ Saynöpis musyansimi wanushno kashqansipita mana ushakaq kawaytana tarishqansita. Sayta musyansi wawqi panikunawan kuyanakur kawarmi. Mana kuyaq kaqqa wanush japuymi kaykan.

¹⁵ Lapanpis runa mayinta chikiqkunaqa wanusiq japuymi kaykäyan. Musyashqansinöpis wanusikuqkunaqa manami Tayta Diospa nawpanman chäyanqasu.

¹⁶ Kuyakuq kanansipaq Jesucristo noqansi rayku wanushqanta tantiyakushun. Noqansipis kuyakuq karqa runa mayinsi rayku wanunansipaq listu kaykäshun.

¹⁷ Kaykäpamash runa mayinsi muchuycho kaykaptin mana yanaparqa manami Tayta Dios kuyakuq kashqannösu kuyakuq kansi.

¹⁸ Kuyay wamräkuna, janan shonqulaqa ama kuyanakushunsu, sinöqa imaypis yanapänakur rasunpa kuyanakushun.

¹⁹ Sayno kuyanakurmi musyansi Tayta Diospa wilakuyninta rasunpaypa chaskikushqansita y jusansipita perdonamashqansita.

²⁰ Mana perdonamashqansita yarpashqapis payqa jusalikushqansipita lakikushqansita musyarmi perdonamansi.

²¹ Kuyay wawqi panikuna, perdonashna kashqansita musyaykarnaqa mana mansapaypa Tayta Diosta manakushun.

²² Mandamientunkunata cäsukur pay munashqanno kawarqa imata manakushqansitapis chaskishunmi.

²³ Tayta Diospa mandamientun nikan Surin Jesucristuman yärakunansipaq y jukninsi jukninsipis kuyanakunansipaqmi.

²⁴ Mandamientunkunata cumplirqa paywanmi kaykansi y paypis noqansiwanmi kaykan. Noqansiwan pay kaykashqanta musyansi kachamushqan Espíritu Santuta chaskikush karmi.