NEHIMIYA 7 - Qullaawa Maxaafa

¹ Kuneeti kinchu huxxi huxxame goofi. Huxxu cufanna baala darga dargansa qansi. Roorrootuno looso beekke, Qullaawa Mine agartannorira, faarsaanote gaamoranna wolootu Leewaawootira uyitu.

² Anino Yerusaalamete Katama gashshitannore 2 manna doorummo. Insano ane rodii Hanaaniitinna qiishote roorricha ikkinohu Hanaaniyaati. Hanaaniya halaalaanchohonna Magano waajjate taalamannosihu nookki manchooti.

³ Anino, «Soodo arrishsho iibbita geeshsha Yerusaalamete huxxi waalchuwa fantinoonte. Hawarro arrishsho e'anno woyite agartannori hadhukkinni huxxu waalchuwa cufantanno gedenna seekkine waawansinanni gede sokka soommo. Hattono insa uminsa Yerusaalamete hee'ranno manni giddonni agaraano doorte wortanno gede, wolootuno qolte minnansa mule heedhe agartanno gede asse» yee seekke kuloommonsa.

QAFADOTENNI HIGINO MANNI KIIRO

⁴ Yerusaalame hala'lado katamaati. Giddo hee'ranno manni kiiro kayinni shiimate; lowo minnano diminantino.

⁵ Kunnira Maganu albisoota, roorrootanna wole manna gamba asseemmo gedenna maatensa borreessantino gedeenni buuxeemmo gede kulie. Hakkunnira albaanni qafadotenni higginori sirchi ilama taje afi'roommo. Afi'roommo tajeno kunninni aante noote:

⁶ Qafadotenni higginori giddonni haammatu Baabilooni awuraajjinni ka'e Yerusaalamenna Yihuda daggeenna mittu mittunku umi umisi katama eino. Nabukadanatsoori haa're ha'rinsa yannanni kayisse, maatensa Baabilooni gobbara qafadante heedhino.

⁷ Higgu woyite albisootinsa Zerubaabeeli, Iyyaasu, Nehimiya, Azaariya, Reaamiya, Nahamaani, Merdookiyoosi, Bilshaani, Mitipereeti, Bigiwayi, Nehuumiitinna Beaanaati.

^8-25 Qafadotenni higinohunni mittu mittunku boosaallinni xinqine borreessinoonniri Israeelete sirchi batinyi aane nooho: Paariooshi boosaallinni — 2,172 Shefaaxiya boosaallinni — 372 Araahi boosaallinni — 652 Iyyaasunna Iyoaabi sircho ikkinohu Pohaati-Moaabi boosaallinni — 2, 818 Elaami boosaallinni — 1,254 Zaatu boosaallinni — 845 Zakayi boosaallinni — 760 Binuwi boosaallinni — 648 Beebayi boosaallinni — 628 Azigaadi boosaallinni — 2,322 Adoniqaami boosaallinni — 667 Bigiway boosaallinni — 2,067 Adiini boosaallinni — 655 Hiziqiyaasi yinannihu Axeeri boosaallinni — 98 Hashuumi boosaallinni — 328 Beetsayi boosaallinni — 324 Hariifi boosaallinni — 112 Gebaooni boosaallinni — 95

^26-38 Akaakkansa kunninni aante noo katammara heedhino mannino qafadotenni higino. Insano: Beetelihemetenna Nexofaho heedhannori - 188 Anatooti heedhannori - 128 Beeti Azimaaweeti heedhannori - 42 Qiriyaati-Yiariimi, Kefiiranna Be"erooti heedhannori - 743 Raamanna Geeba heedhannori - 621 Mikimaasi heedhannori - 122 Beetelinna Gayi heedhannori - 123 Layinki Nebora heedhannori - 52 Layinki Elaami heedhannori - 1,254 Hariimi heedhannori - 320 Iyyaarko heedhannori - 345 Loodi, Hadiidinna Oono heedhannori - 721 Seena"a heedhannori - 3,930

^39-42 Qafadotenni higginori Qeesootu ga're su'mi kiiro kunninni aante no: Iyyaasu sircho ikkinohu Yidaiya boosaallinni — 973 Imeeri boosaallinni — 1,052 Pashihuuri boosaallinni — 1,247 Hariimi boosaallinni — 1,017

^43-45 Qafadotenni higginori Leewaawootu ga're: Hodawuya sirchinni Iyyaasunna Qadimieeli boosaallinni — 74 Asaafi sircho ikkitinori Qullaawu Mini faarsaano boosaallinni — 148 Shaluumi, Axeeri, Xalimooni, Aquubi, Haxiixinna Shobayi sircho ikkitinori Qullaawu Mini agaraasine boosaallinni — 138.

^46-56 Qafadotenni higginori Qullaawu Mini loosaasine ilama ilamansanni: Tsiha, Hasufa, Xabaooti, Qeroosi, Siia, Fadooni, Lebana, Hagaba, Shalmayi, Hanaani, Gideeli, Gahaari, Reaya, Retsiini, Neqoda, Gazaami, Uuza, Faaseha, Besayi, Meuniimi, Nefisiimi, Baqibuqi, Haqufa, Harihuri, Batsiluuti, Mehiida, Harsha, Barqoosi, Siisira, Temaahi, Netsihaatinna Haxiifaati.

^57-59 Qafadotenni higginori Selemooni soqqamaano ilama: Soxayi, Sofereeti, Peruuda, Yaila, Darqooni, Gideeli, Shefaaxiya, Haxiili, Pokereeti, Hatsebayimiitinna Amooniiti.

⁶⁰ Qafadotenni higginori Qullaawu Mini loosaasinenna Selemooni soqqamaano sirchi mitteenni 392 mannaati.

^61-62 Telimelahi, Teliharsha, Keruubi, Adooninna Imeeri yinanniri qaete katammanni higginori Delaya, Xobbiyanna Neqoda ilama mitteenni 642 mannaati. Ikkollana, kuri baalunku Israeelete sircho ikkansa kula didandiitino.

^63-64 Kuri aante noorino qeesootu sircho ikkansanna akaakkansa ilama kiiro buuxxe kulate didandiitino. Insa Hobaya, Haqoosiitinna Barzilayiiti. Qeesootu boosaallo ikkinohu Barzilayi ahaahi Geleaadichu Barzilayi boosaallinni mitte beetto adhino. Kunninni kainohunni ballisi ilama su'ma adhino. Akaakkansa ilama kiiro buuxxinokki daafira, qeesimmate looso loossara difajjinoonninsa.

⁶⁵ Kunnira, Ayihudete gashshaanchi Uriiminninna Tumiiminni la"anno qeesichi, qeesoota ikkansa buuxa geeshsha Maganoho fushshaate assine shiqinshoonni gide ittannokki gede hajaji.

^66-69 Qafadotenni higinohu mitteenni — 42,360 mannaati. Labbaanna meya soqqamaanonsa kiiro — 7,337 Labbaanna meya faarsaanonsa kiiro — 245 Faradinsa batinyi — 736, Gaanggootinsa batinyi — 245, Gaalinsa batinyi — 435, Harrensa batinyi — 6,720.

^70-72 Qullaawa Mine galagalchine minate lowo manni kaa'lino. Insa giddonni: Gobba gashshinohu: 8 kiilo keenanno culka, 50 gawatta, 530 qeesootu uddanna uyi. Gosate hajajaanono: 168 kiilo keenanno culka, 1,250 kiilo keenanno birra uyitu. Wolu mannino: 168 kiilo keenanno culka, 140 kiilo keenanno birranna 67 qeesootu uddanna uyino.

⁷³ Qeesootu, Leewaawootu, Qullaawu Mini agaraasine, faarsaano, wolu manni giddonnino haammatu Qullaawu Mini soqqamaanonna gudisamunku Israeelete manni, Yihudaho noo qachuwaranna katammara heedhu.