MARRO 33 - Qullaawa Maxaafa

MUSE ISRAEELE MAASSI'RI

¹ Maganu manchi Muse reyara albaanni Israeelete mannira uyino maasso kunninni aante noote:

² Kaaliiqi Siina Ilaalinni dayi; Edoominni soodo arrishsho gede ikke aanansa fuli; Faaraani Ilaalira hee're xawinsa. Tonnu kumi sokkaasine ledosi no; qiniiticho angasinni bubbanno giira fultanno.

³ Halaaleho, manna baxattohu ateeti; qullaawootu baalunku angakki no. Baalunku lekkakki hunda kumbuultanno; atewiinni hajajo adhitanno.

^4-5 Israeelete ga're gamba yitineenna, ani Muse, ayirrado Maganu Seera oommo'ne. Kaaliiqino Israeelete moote ikki.

⁶ Muse Roobeeli ga'rera, «Kiiro'ne shiima ikkiturono horonta reyitinoonte» yii.

⁷ Yihudu ga'rerano, «Kaaliiqi raare'ne macciishshe, wole ga're ledo kaa'lantinanni gede asso'ne. Kaaliiqi anga'ne jawaachisho; diini'ne ledo olantinanni yannarano ha'lo'ne» yii.

⁸ Leewi ga'rerano, «Ki'ne Maganu qeesootira Uriiminna Tumiimi aamamino'ne. Kunninni kainohunni Kaaliiqi Maasahi jifeenna'ne, ki'neno Meriiba Wayiwa sodhinikkinni sa'inoonni.

⁹ Anni'nenna ama'ne daafira coyidhinanni, ‹Ninke insa daafira diqarrammeemmo› yitinoonni. Roduuwa'nenna ooso'ne dihasidhinoonni; Kaaliiqira hajajantinoonni; gondoorisirano ammanantinoonni.

¹⁰ Kaaliiqi Seera Israeelete rosiissinanni; kakkalosi dargano hixaana giirtinanni; shilqote kakkalono shiqishshinanni.

¹¹ Kaaliiqi maassi'ro'ne; assidhinanniri baalunkunni hagiidhe; galagalte ka'annokki gede diinna'ne baalano cancananno» yii.

¹² Biiniyaami ga'rerano, «Kaaliiqi baxanno'ne; agaranno'ne. Barra wo'ma agaranno'ne; Kaaliiqi mereero'ne hee'ranno» yii.

¹³ Yooseefi ilamara, «Kaaliiqi baatto'ne xeenunni duushsho; qoleno baattote giddonni waa burqiso'ne.

¹⁴ Baatto'ne aganu aganunkunni laashshito'ne; laalo'neno arrishshunni le'o'ne.

¹⁵ Albi ilaalla'ne, doorantino laalo guggushshito.

¹⁶ Buwanni noo citi giddo hee're coyi'rinohunniti, Kaaliiqiwiinni dagganno maasso, baatto'nera danchu coyi baalu wo'manno gede assito. Yooseefi roduuwisira roorricha ikkino daafira, tini maasso baala isi ga'rera ikkito.

¹⁷ «Kumunni kiirranniri Efireeminna Minaase gaaddo, woraamu gede jajjabbahonna wolqaataammaho. Baarigaarrasi qasanno gaarraanchi gede, ki'neno diina'ne qassine baattote qacce fushshitinanni» yii.

¹⁸ Zaabilooninna Yisaakoori ga'rerano, «Ki'ne Zaabilooni ga're, baaru aana dadda'litine duroo'me. Ki'ne Yisaakoori ga'reno, mine heedhinenni duroo'me.

¹⁹ Wole ga'reno ilaalla'ne la'ara dagganno gede assitinanni; insano hakkiichira halaalaancho kakkalo shiqishshanno; jirono baaru aaninninna wayi gami shaafinni afidhinanni» yii.

²⁰ Gaadi ga'rerano, «Kaaliiqi baatto'neno halashshannona galattesi; diina'ne cancanate doobbiichimma dugginanni.

²¹ Roorrootu gamba yitu yannara, gashshaanonnite gedeeta dancha baatto doorte uyitino'ne. Ki'neno Kaaliiqita halaalaancho hedo wonshitinoonni; wole ga'reno kaa'litinoonni» yii.

²² Daani ga'rerano, «Daani ga're, ki'ne aja doobbiichooti Baasaani gidi'ne giddonni fultine, diina'ne gawajjitinanni» yii.

²³ Nifitaalemi ga'rerano, «Ki'ne Nifitaalemi ga'rera, Kaaliiqi lowo maasso aana'ne dunino. Galchiminna wodiidi baatto iqqa'ne assidhine adhe» yii.

²⁴ Aseeri ga'rerano, «Kaaliiqi ki'ne wole ga'renni roore maassi'ro'ne; roduuwi'nenni roorse baxanno'ne; zayitetennino duroonso'ne.

²⁵ Waalchi'ne cufani siwiilunnihanna camonniha ikko; lubbotenni heedhinoonni geeshsha wolqa'ne xe'oonke» yii.

²⁶ Muse lede Israeele baalantera, Ayirrinye haraqi're gordo tayise sae, gomicho dare kaa'lara daannohu, Israeelete Magani gedeehu dino.

²⁷ Hegere Magani godankeeti; hegereti cigilesino irkissannonke; diinnanke gundeemmo gede kulannonke yannara, xooqqanno gede assannonsa.

²⁸ Kunni daafira, gordunni loju dirranno baattora, gidunna haaro woyinete xajje wo'mitinowa, hawaqi're keerunni Yaiqoobi sirchi callu hee'ranno.

²⁹ Ki'ne Israeelete manni, hiitto baraadhinoonnireeti! Kaaliiqi wode gatisinohu, ki'ne gedee manni mama no? Kaaliiqi umisi gargadhitinanninna qeeltinanni gede, assitanno wonqootinna biseeti. Diinna'ne higgenke yitanni ki'newa dagganno; ki'neno kaddine aanansa uurritinanni.