MARRO 25 - Qullaawa Maxaafa

¹ «Lamu Israeelichi giwante yoote daanyootunniwa hadhuro, daanyootu gawajjaminoha keereensite, gawajjinoha assino saora ereccishshona.

² Hunino manchi gannanniha ikkiro, daanyu baattote aana diriirse, hunasi deerrinni gannanni gede assona.

³ Ikkollana, 40 aleenni gannoonke. Hakkiinni sairo, kuni gobba'ne manchi mannu albaanni shollinoha ikkanno.

⁴ «Gide gananno hando afoo usurtinoonte.

ILIKKINNI REYINO MANCHI DAAFIRA UYINOONNI SEERA

⁵ «Mitteenni heedhanno roduuwi giddonni mittichu ooso ilikkinni reyiro, reyihu galte ayiddesi ikkinokkihura assidhoonke. Ise galtesi assi're adha hasiisannosihu ayiddaannise rodooti.

⁶ Balaxxe iltanno qaaqqi reyihu su'mi Israeelete giddonni ba"annokki gede reyihu su'minni woshshamona.

⁷ «Mittu manchi rodiisi galte adha giwiro kayinni, hatti mancho katamu waalchiwa noo geerriwa marte, ‹Ayiddaanni'ya rodii rodiisi su'ma Israeelete giddonni ba"annokki gede assate dihasi'rino. Ane gashsha giwe worroonni woga hunino› yite kultona.

⁸ Hakkunni gedensaanni, katamu geerri hakkonne mancho woshshe xa'mona. Isino, adha giwate murci'riro,

⁹ rodiisi galte geerru albaanni isiwa shiqqe, mitte lekkasi koatte fushshite albisira anja tuffe, ‹Rodiisira sircho sayisannokkiha togo assinanni› yitona.

¹⁰ Hakko manchi sircho Israeelete manni mereero, ‹Koattesi fushshinoonnihu ilama› yine woshshinanni.

WOLE SEERA

¹¹ «Lamu manchi gananturo, mittichu galte ayiddaannisera ha'litara dagge, ku'unni manchi siima amadduro,

¹² marartinoontesena angase murre.

^13-14 «Umi'nera lowoha adhitinara heddine mannaho shiima uyitinara yitine keenaasinchunni xagartinoonte.

¹⁵ Magani'ne Kaaliiqi aanno'ne baattora diri'ne seedanno gede, taalunna halaalaanchu keenaasinchinna safaraasinchi hee'ro'ne.

¹⁶ Magani'ne Kaaliiqi togo assannohanna coye soorrannoha baala tiyyi're giwanno.

¹⁷ «Gibitsetenni fultini yannara, doogote aana Amaaleqootu assitino'neta habbinoonte.

¹⁸ Magano waajjitannokkire ikkitino daafira, daafurtinenna daaqqine heedhinoonni yannara, badheenni tiratanni noo manna baala shitino.

¹⁹ Magani'ne Kaaliiqi iqqa asse aanno'ne baatto gaangaawira noo diini baalunkunni fooliishshiishi'ne yannara, Amaaleqoota qaangannikki gede co'o assitine gudde. Konne coye horonta habbinoonte!