MARRO 23 - Qullaawa Maxaafa

BONKOONNI MANNA

¹ «Tummoonnihu woy mureessu Kaaliiqi songo eoonke.

² Darchoho ilaminohu sirchi baalu, 10 ilama geeshsha nafa Kaaliiqi songo eoonke.

^3-4 «Gibitsetenni fultinihu gedensaanni, doogote aana heedhineenna sagalenna waa abbite ditowattino'nena, Mesiphexoomiyaho Petoori Katamira hee'rannoha Bioori beetto rumanno'ne gede woxunni hidhitinona, Amoonichu ikko Moaabichu woy sirchinsa 10 ilama geeshsha nafa Kaaliiqi songo eoonke.

⁵ Ikkollana, Magani'ne Kaaliiqi Beleaami yiinota dimacciishshino. Magani'ne Kaaliiqi baxino'ne daafira rumo maassote soorrino'ne.

⁶ Heeshsho'ne diri baalunkunni insara keerenna jiro abbannore assitinoonte.

⁷ «Fiixa'neetina, Edoomoota makkidhinoonte. Gobbansara wosinchimma heedhinoonni daafira Gibitsootano makkidhinoonte.

⁸ Insa ooso ikkitinori sayikki ilama Kaaliiqi songo ea dandiitanno.

OLANTO OFOLTANNO DARGA KEEREENSE

⁹ «Diinna'ne qassinara fultinanni yannara, batteessannorinni umo'ne agadhe.

¹⁰ Mereero'ne hashsha haaqeete shumaa're battaawinohu hee'riro, qachu gobbaanni fule hakkiicho keeshshona.

¹¹ Hawarranno woyite kayinni bisosi hayishshi're, arrishsho e'anno yannara galagale qacha higona.

¹² «Ofoltinanniha shumate darga qachu gobbaanni qixxeessidhe.

¹³ Bagadi'ne ledo bale ummannire anga adhitine hadhe. Lowo shumara ofoltiniro untine bushsha aanaho dibbe.

¹⁴ Magani'ne Kaaliiqi agara'neranna diina'ne anga'nera sayise aara qachi'nera ha'ramanno daafira, qacha'ne Kaaliiqi ledo xaadira injaanno gede keereense. Kaaliiqi agure ha'ranno'ne gede assannoha busha coye assitinoonte.

ADDI ADDI SEERA

¹⁵ «Mittu borojjichi mootichisiwiinni xooqe mare Israeelete eeggo eiro, mootichisira sayissine uyitinoontesi.

¹⁶ Baxisinosiwanna doodhino katamira giddo'ne hee'rona; ki'neno gadadissinoontesi.

¹⁷ «Israeelete giddonni labbaaha ikko meyati kaphu magannara yite galmansa marte manninatensa woxeho hirtoonke.

¹⁸ Magani'ne Kaaliiqi manninatensa hirtannore labbaaha ikko meyata makki're giwanno daafira, uyineemmo yite xa'nitinoha nafa ikkiro, kunni garinni afidhanno woxe Magani'ne Kaaliiqi minira abbitoonke.

¹⁹ «Woxe, sagale woy wolereno ikkiro fiixi'nera Israeelete qallote liqiissitinoonte.

²⁰ Allaggichoho qallote liqiissitinara dandiitinanni. Martine ragidhinanni baattora anga'nenni amaddinanniha baala Magani'ne Kaaliiqi maassi'ranno'ne gede fiixi'nera Israeelete qallote liqiissitinoonte.

²¹ «Magani'ne Kaaliiqira xano xa'nitiniro, Kaaliiqi xa'nitinoonni xano wonshitinara hasi'rannona, sao ikkanno'nekki gede rakkine uuyye.

²² Xa'na hoogginiro kayinni sao di"ikkanno'ne.

²³ Magani'ne Kaaliiqira umi'ne baxxine afii'nenni xa'nitinoonnina, afoo fultinoonniha baala aa de'inoonte.

²⁴ «Gobba'ne manchi kaashshi woyinennihu giddora e'inanni yannara, baxisi'ne geeshsha ita dandiitinanni. Ikkollana mitto gumano uduunnichoho wodhitine adhitine hadhinoonte.

²⁵ Gobba'ne manchi gatira e'inanni yannara, shoye tattayissine ita dandiitinanni. Kayinni haantotennilla middine adhitinoonte.