MAARQOOSI 16 - Qullaawa Maxaafa

YESUUSI REYOTENNI KAI

¹ Ayihudete Fooliishsho Barri saeenna, Megidelitte Maariyaami, Yaiqoobi iltino Maariyaaminna Saloome, Yesuusi reeshshira buurara shitto hidhi.

² Sambatu Barra soodo gute, arrishsho lekka abbitanna kae waammanniwa mari.

³ Insa insanaawa, «Waammate afiinni kincho ayi gongo'mishe hoolannonke?» yaanni hasaawanni ha'ri.

⁴ Hatto yiinohu, waammate tu'noonni kinchi lowo geeshsha bati'ra ikkino daafiraati. Mare iille la"anno woyite kayinni, kinchu gongo'me ho'le nooha afi.

⁵ Waammate giddora eanno woyite, waajjo uddano uddi're qiniiteenni ofolle nooha mitto wedellicha mancho afe masi.

⁶ Isi kayinni, «Dammaqqinoonte! Suntiha Naaziretete Yesuusa hasidhinoonnita afoommona, isi kaino! Konniicho dino. Madaarroonnisi dargi kuneeti la'e!

⁷ Xa hadhine rosaanosiranna Pheexiroosira, ‹Yesuusi ki'ne balaxe Galiila sa"annona, alba kulino'ne garinni hakko affinannisi› yitine kullensa» yiinsa.

⁸ Meentu waajje huxi'ranni, waammate giddonni fule xooqi. Lowo geeshsha waajjino daafira, mittu mannirano cuqqi curuqqi diyiino. Honsikki kiirora, meentu Pheexiroosiwanna miillasiwa mare kulloonninsare baala seekke hasaawinsa. Tonnikki kiirora, hakkunni gedensaanni, Yesuusi qullaawanna ba'annokkita hegere gato sokka kultanno gede rosaanosi soojjaatinni galchimi geeshsha soyi. [Maarqoosi 16:9-20, Roorsine hawaqi'nanniteranna albi borro giddo dino.]

YESUUSI MEGIDELITTE MAARIYAAMIRA LEELLI

⁹ Yesuusi Sambata soodo guto reyotenni kaihu gedensaanni, lamala durriisa fushshinosetera Megidelitte Maariyaamira balaxe leelli.

¹⁰ Iseno hadhe, dadillitanninna wi'litanni noorira alba Yesuusi ledo heedhinorira kultu.

¹¹ Maariyaami, Yesuusi lubbotenni nootanna iseno illesenni affinota kultunsa yannara insa diammantino.

YESUUSI LAME ROSAANOSIRA LEELLI

¹² Hakkunni gedensaanni Yesuusi, katamunni fulte gobbara higge hadhanni noorira, lame rosaanosira wolu daninni leellinsa.

¹³ Insano galagalte higge, wole rosaanosira kultunsa; hakkuri yitinotano diammantino.

YESUUSI TONAAMITE ROSAANOSIRA LEELLI

¹⁴ Hakkunni gedensaanni, Yesuusi tonaamitunku ofolte sagale ittanni heedheenna leellinsa. «Yesuusi lubbotenni no; illenkenni anfoommo» yee kulinonsa manni coye adha hoogansara, kulloonninsare ammana hoogansaranna wodaninsa dillaawara rufinsa.

¹⁵ Qoleno, «Gobba baala hadhine Dancha Duduwo kalaqama baalaho lallabbe!

¹⁶ Amma'ninohunna cuuaminohu gatanno. Amma'ninokkihura kayinni reyote yoo yinannisi.

¹⁷ Ane amma'nitannori kunninni aante noo maalale loosate wolqa afidhanno. Su'mi'yanni Sheexaane fushshitanno; haaru afiinnino coyidhanno.

¹⁸ Hamaso amadduro woy shaannore agguro nafa horonta digawajjannonsa. Dhiwantinorira angansa aanaho worturo, dhiwantinori hurtanno» yii.

YESUUSI GORDO HA'RI

¹⁹ Mootichu Yesuusi konne baala kulinsahu gedensaanni, gordo ha're Maganoho qiniiteenni ofolli.

²⁰ Rosaanosino hadhe base baalate Dancha Duduwo lallabbu. Mootichuno insa ledo loosanni no; maalale loossanno wolqa aatenni, sokkansa halaale ikkitinota buuxisanni no.