LAWISHSHA 17 - Qullaawa Maxaafa

¹ Gibbote mine noo jilinni, keerunni intoonnihu moolu timi woyyate.

² Jallaaga gashshaanchu beetto busulu borojjichi murrisanno; roduu gede ledosi iqqa beeqqanno.

³ Birranna culka giiratenni daashshinanni. Mannu wodana kayinni Kaaliiqi fonqole la"anno.

⁴ Bushu manchi bunshe guungeessanno; kaphaanchuno xagaraammu coyidhannore wodana wore macciishshanno.

⁵ Buxane arrassannohu Kalaqinonsaha mishannoho; qarraminoha qacifatannohu qorichishamikkinni digatanno.

⁶ Jajjabbu manni oosonsa oosonni hagiidhanno; oosono annunninna amatenni ayirritanno.

⁷ Gowwu dancha coye coyi'reno dibiifanno; gashshaanchu kaphiro hakkiinni baasinoha ikkanno.

⁸ Mitu mannira gubbo itisa kii'la labbannonsa; gubbisatenni baalunkuri qinaannonke yite agadhitanno.

⁹ Sao assinohura agurannohu baxille hasi'rannoho; marro marro hige coyi'rannohu kayinni fiixooma xeertisanno.

¹⁰ Gowwaho xibbe hinge ganneennano dieannosi; busulu kayinni mitte hinge kulloonnitenni seejjamanno.

¹¹ Bushu manchi bunshe calla hasanno; isira mararannokki gashshaancho sonkanni.

¹² Gowware loosanni noo gowwinni xaadantenni, qalino dagunchinni xaada woyyate.

¹³ Danchumma bunshetenni qolannohura, bushu coyi minisinni difulanno.

¹⁴ Coye kayisa, wayi gammala kurkure xullo fushshate ledo mittete; kunnira gibbo ka'ukkinni coyi'ransho aguri.

¹⁵ Keeraanchoho beebba woranna, cubbaataamo keereensa, lamunku Kaaliiqi giwanno coyeti.

¹⁶ Egenno afi'ra'ra hasi'rannokki daafira, gowwaho angasi noo woxi ma kaa'lannosi?

¹⁷ Jaalu wo'manka woyite jaalaholla; roduuno qarru barra iillanno.

¹⁸ Wodaniweelu manchi muddame afoo fulanno; mannaho rahe waase ikkanno.

¹⁹ Gibbo hasannohu cubbo baxannoho; naaxxaleessu umisira bao abbi'ranno.

²⁰ Wodanisinni busha malannohura diqinaannosi; lamu arrawinni coyi'rannohu qarru aana uwanno.

²¹ Gowwa ilinohu yaadanni hee'ranno; jallaagu beetti anni dihagiidhanno.

²² Hagiirraamu wodani mannimmate fayyimma aanno; dadillaamu wodani kayinni mannimma maniissanno.

²³ Bushu manchi halaale dawisara yee, maaxe gubbo itanno.

²⁴ Egennaamu manchi looso hayyotenni loosanno; gowwu kayinni batinyewa kabbi yaanno.

²⁵ Gowwu beetti annaho dadilleho; iltino amarano gaabbote.

²⁶ Keeraanchu manchira erecco kara digaraho; dancha coye assannoha dancha manna ganano bushate.

²⁷ Egennaamu manchi batinyere dicoyi'ranno; wodancha afi'rino manchi geinoho.

²⁸ Gowwu sammi yaanno woyite egennaamo lawanno; afoosi gamba assi'ranno woyite afinoha lawanno.