KIIRO 26 - Qullaawa Maxaafa

MANNA LAYINKIMEESHSHO KIIRRI

¹ Qoomamu higihu gedensaanni Kaaliiqi Museranna Qeesichu Aarooni beetti Aliaazaarira,

² «Israeelete manni giddonni lemuu dirirenna hakkuyi alire, ola dandiitanno labballo baala kiirre» yiinsa.

³ Kunnira Musenna Aliaazaari Iyyaarkora widoonni Yordaanoosira soojjaatoonni noohura Moaabi xawira manna gamba assite,

⁴ «Kaaliiqi Musera kulino hajajo garinni 20 diro ikkinonsarenna hakkuyi alire kiirre» yite coyidhu. Gibitsetenni fultino Israeelooti kiirono kunninni aante noote:

^5-7 Yaiqoobihu bayiru beetti Roobeeli sirchi annuwa: Hanooki, Faluusi, Hetsirooninna Kariimiiti. Tini ilama mitteenni 43,730 mannaati.

⁸ Faalu beetti Eeliyaabiiti.

⁹ Eeliyaabi ooso qolte, Nemueeli, Daataaniitinna Aberooniiti. (Daataaninna Aberooni mannu mereero egennantinore ikkitanna, Qorenna ledosiri Kaaliiqi aana ka'u yannara Musenna Aarooni qoxxissureeti.

¹⁰ Insa, Qorenna ledosire mitteenni baatto dadhante egemmitino. Insa reyitu waro 250 manna giira dirrite ittino. Mannuno hakko coyinni jiilino.

¹¹ Qore ooso kayinni direyitino.)

^12-14 Simiooni ga're annuwa: Nemueeli, Yamiini, Yakiini, Zaaranna Saauli ilamaati. Tini ilama mitteenni 22,200 mannaati.

^15-18 Gaadi ga're annuwa: Tsifooni, Haagi, Shuni, Esina, Eeri, Aroodinna Arieeliiti. Tini ilama mitteenni 40,500 mannaati.

¹⁹ Eerinna Awunaani Yihudu oosooti. Insa kayinni Kana"aani reyitino.

^20-22 Gattinori Yihudu ga're annuwa: Seelo, Faareesi, Zaaraatinna insa ilamaati. Yihudu beetti beetti Faareesi ilama annuwa: Hetsirooniitinna Hamuuliiti. Tini ilama mitteenni 76,500 mannaati.

^23-25 Yisaakoori ga're annuwa: Tola, Fuha, Yashuubiitinna Shimirooniiti. Tini ilama mitteenni 64,300 mannaati.

^26-27 Zaabilooni ga're annuwa: Sereedi, Elooniitinna Yahilieeliiti. Tini ilama mitteenni 60,500 mannaati.

^28-32 Yooseefi beetti Minaase ilama annuwa: Makiiriitinna Geleaadiiti; Geleaadi anni Makiiriiti; Geleaadi ooso Ieziiriiti, Heleqiiti, Asirieeliiti, Sekeemiiti, Shemidaiitinna Hefeeriiti.

³³ (Hefeeri beettira Selofihaadira seenne calla ikkinnina labballi ooso dinosi; seennisi su'mi: Mahila, Noa, Hogila, Milkaatinna Tiritsaati.)

³⁴ Tini ilama mitteenni 52,700 mannaati.

^35-37 Yooseefi beetti Efireemi ilama annuwa: Sutuli, Bekeeriitinna Tahaaniiti; Sutuli sirchi Eraani ilamaati. Tini ilama mitteenni 32,500 mannaati. Kuri baalunku Yooseefi godowaati.

^38-41 Biiniyaami ga're annuwa: Beelai, Ashibeeli, Ahiraami, Shufaamiitinna Hufamiiti; Beelai ooso: Ardinooniitinna Naimaaniiti. Tini ilama mitteenni 45,600 mannaati.

^42-43 Daani ga're anni, Shuhaamiiti. Shuhaami ilama mitteenni 64,400 mannaati.

^44-47 Aseeri ga're annuwa: Yumini, Ishiwiitinna Beriaati; Beria ooso Hebeeriitinna Melkieeliiti. (Aseerira Serahi yinanniti mitte beetto noosi.) Tini ilama mitteenni 53,400 mannaati.

^48-50 Niftaalemi ga're annuwa: Yahitsieeli, Guuni Yetseeriitinna Shileemiiti. Tini ilama mitteenni 45,400 mannaati.

⁵¹ Kunni garinni Israeele baalate giddonni kiirroonnihu 601,730 mannaati.

⁵² Kaaliiqi Musera,

⁵³ «Ga're ga'rete manni kiiro garinni baatto beehinsa.

⁵⁴ Ilama batidhino ga'rera hala'lado baatto uyite, ilamate kiiro ajjino ga'rera ajishshe uyi. Mitte mittenti ga're kiironsa garinni adhitona.

^55-56 Lowiddaannanna shiimmaadda ga'rera baatto hixunni beenkona. Baattono mittu mittunku ga'rete anni su'minni adhitona» yii.

⁵⁷ Leewi ga're annuwa: Gershooni, Qehaatiitinna Meraariiti.

⁵⁸ Insa ilama qolte: Libinoota, Kebiroonoota, Mahiloota, Mushootahonna Qore godowaati. Qehaati Amiraamira ahaahoho.

⁵⁹ Ayiddaamasi su'mi Yokebiidiiti; iseno Leewi ga're giddo Gibitsete gobbara ilantinote. Yokebiidi Amiraami, Aarooni, Musenna rodoonsa Maariyaami iltino.

⁶⁰ Aarooni ooso: Naadaabi, Abihu, Aliaazaariitinna Itaamaariiti.

⁶¹ Naadaabinna Abihu Kaaliiqira seerimale giira aana kakkalo shiqishshino daafira reyitino.

⁶² Mittu aganirenna hakkuyi alire labballo Leewaawoota kiirreenna 23,000 ikkitino. Wolootu gede iqqa adhitinokki daafira insa bande addinni kiirroonni.

⁶³ Musenna Qeesichu Aliaazaari Iyyaarkora widoonni Yordaanoosi Wayira soojjaatoonni Moaabi Xawira Israeelete manna kiirtu yannara kiironsa tenneeti.

⁶⁴ Musenna Aarooni Siina Halalla kiirtino manni giddonni mittu nafa dino.

⁶⁵ Kuni ikkinohuno Kaaliiqi, «Baalunku halalla reyite gooffanno» yiino daafiraati. Yoofooni beetto Kaaleebinna Newe beetto Iyyaasu agurranna insa giddonni mittu nafa digatino.