IYYOOBI 31 - Qullaawa Maxaafa

¹ «Aja meyata laeemmokki gede, aneneete qorophisiisoommo.

² Konne coye assoommoro, Wo'manka Dandaanno Magani mayaannoe? Gordoho hee'ranno Magani hiissannoe?

³ Bushuullu aana qoomamu, sao assitannori aanano bao daggannota dianfe hee'noonni?

⁴ Maganu asseemmore baala la"anno; qaafo'ya baalanta kiiranno.

⁵ «Kaphu doogo ha'reemmoha ikkiro, mannano dogoommoha ikkiro,

⁶ Maganu keeraanchimma'ya, halaalaanchu keenaasinchinni keene laona.

⁷ Halaalaancho doogonni fuleenna, ille'ya la'inoha baala wodani'ya yorinoha ikkiro, cubbo karsamoommoha ikkiro,

⁸ ani wixi'roommoha wolu ito; kaasi'roommori baalu buqqisame bao.

⁹ «Wodani'ya wolu galte lainoro, waalchoho gaa'le agaroommoro,

¹⁰ galte'ya woleho qishsho; ma'na'yarano wolu ledo goxxo.

¹¹ Hattoo bunsheno, yoote ereccinni xaadissanno.

¹² Kuni cubbi giirate gede itannoha ikkinohura, ani konne coye loosoommoha ikkoommero, nooeri baalunku ledo giirame hoogoommo.

¹³ «Borojji'ya xeisoommorira abbooshshi'rinoehanna, ku'litinoe ku'lo macciishsha giwoommoha ikkoommero,

¹⁴ Maganu hanqe yoo yaaera ka"anno yannara, hiikka higeemmo? Qonqolche xa'mannoe woyite, maricho haa're dawareemmo?

¹⁵ Borojje'yano ane kalaqino Magani kalaqino; insa lubbono aneta kalaqino Maganilla kalaqino.

¹⁶ «Buxichoho huucci'rinore ho'loommoha ikkiro, galte shii'rino meento kaa'loommokkiha ikkiro,

¹⁷ sagale calli'ya itoommoha ikkiro, anniweelo ooso qatume heedheenna calli'ya itoommoha ikkiro,

¹⁸ roorenka, anniweelootaho anje'yanni kayise, anna ikke lossoommo. Galte shii'rinore, ilamummonkunni kayise kaa'loommo.

¹⁹ Imaana hoogeenna qiidu shaanni nooha afe, sammi yee saoommoro.

²⁰ Gereewi'ya ordanni gannoonni uddano uddi're, godowunni maassi'rinoekkiha ikkiro,

²¹ yoote albaanni gareemmonsata afe, anniweelo ooso dogoommoha ikkiro,

²² cigile'ya hiiqqanto; qeho'ya fulto.

²³ Magano waajjeemmo daafira, hattoo coye diasseemmo.

²⁴ «Jiro addaxxoommoha ikkoommero, woy culka hexxoommoha ikkoommero,

²⁵ lowo jiro afi'roommo yee naaxxoommoha ikkiro,

²⁶ arrishshote wara'eessa, aganu biinfille lae,

²⁷ wodani'ya dogameenna, maaxame insa magansi'rate kumbuuloommoha ikkoommero,

²⁸ hattoo bunshe yoote qorichira iillishshanno; konne coye assoommoha ikkoommero, gordoho noo Maganira amaname diafeemmo.

²⁹ «Baarigaari'ya qarrameenna tashshi yiinoeha ikkoommero, bushu coyi amadeennasi hagiidhoommoha ikkoommero,

³⁰ baarigaari'ya reyanno gede dihalchoommo.

³¹ Anera loossannori giddonni, ‹Iyyoobi mine sagale di"itoommo› yaannohu nooni?

³² Ha'ranna hashshinosiha, mine'ya masse gashshoommo.

³³ Wolootu maaxidhannonte gede, anino sao'ya wirri assoommoha ikkoommero,

³⁴ mannu batinyi waajjisheennae, fiixi'ya minshe masisseennae, sammi yee mine'ya diofolloommo.

³⁵ «Ani coyi'reemmota macciishshannoehu hee'roommero, coyi'reemmo coyi halaale ikkinota xaaranni egensiiseemmo. Wo'manka Dandaanno Maganino, dawaro qoloe. Coyi'rannoere borreessannohu hee'roommero, woyyannohu baino.

³⁶ Halaalintanni konne coye qoti'yara duqqeemmo; woy ayirrado ba'latto gede asse umi'yara wodheemmo.

³⁷ Maganoho assoommore baala gudise kuleemmo; waajjannokki roorrichi gede ikke albisira shiqeemmo.

³⁸ «Loosi'reemmo baatto moore adhoommota ikkitoommero, annisewiinni wolqatenni adhoommoha ikkoommero,

³⁹ hatte baatto laalcho, mittoreno baatummokkinni itoommoha ikkoommero, loosaasine'ya hudetenni shoommoha ikkoommero,

⁴⁰ baatto'ya, qamadete bayicho kokko'le, hayixu bayicho uta fushshito» yii. Iyyoobi hasaawi konne uurrino.