IYYOOBI 25 - Qullaawa Maxaafa

BELDAADIHA SAYIKKI HASAAWA

¹ Shuhichu Beldaadi qole,

² «Gashshannohunna waajjinannihu Maganoho; iima gordoho keere hajajanno.

³ Halaalinta olantosi kiiro afinohu nooni? Xawaabbisi iillannokkiwi nooni?

⁴ Maganu albaanni, mannu keeraa'mara, ilaminohu baalu fayyaaleessa ikkara dandaannoni?

⁵ Kuneeti Maganu albaanni aganu nafa xawado di"ikkino; beeddaheno albasiinni co'o yitinota di"ikkitino.

⁶ Roorenka kuni da'muulchu gedee manni, Maganu albaanni mageeshshi geeshsha ajanno!» yii.