ISAYAASI 4 - Qullaawa Maxaafa

¹ Hatte yannara 7 meenti 1 labbaaha amade, «Sagalenkeno imaanankeno ninke dandiineemmo. ‹Galte diafi'rinoreeti› yine shollinshankentenni, ‹Isireeti› yinannanke hee'neemmona ballo maahoyye yiinke» yee huucci'ranno.

YERUSAALAME GALAGALTE HAAROO'MITANNO

² Mitto barra Kaaliiqi baattote aana noo haqqe baalate sinna hala'lite lattanno gede assanno. Israeelete giddonni baotenni gattinori baalu baatto uyitanno laalchinni la'mite hagiidhitanno.

³ Kaaliiqi dooreenna Yerusaalamete gattannore baala, qullaawa mannaati yinanninsa.

⁴ Kaaliiqi wolqasinni Yerusaalamete xurenna mundee hayishshe hoole keereensanno.

⁵ Hatte yannara Kaaliiqi Tsiyooni Ilaaliranna hakkiicho gamba yite noorira baalaho barra gomicho, hashsha wiliilenna wala yaanno kiffala soyanno. Maganu ayirrinyi katama gudise guggushshe golanno.

⁶ Ayirrinyisi katama, barra arrishshote fooggalinni gole, fooliishshi'nanni darga assanno; xeenunna bubbetennino agaranno.