ISAYAASI 18 - Qullaawa Maxaafa

ITIYOPHIYU DAAFIRA KULLOONNI HIMANA

¹ Itiyophiyu Wayibbara widoonni noo gosahu qoolinsa duuxunnihu gede luulanno.

² Hatti gobba, sokkaano haqalunni seekkinoonni markaawe gulufisiisse Abbayi Wayi aanaanni qolte sokkanno. Manninsa hojjaameeyyetenna shaqqadu bisireeti; gobbansa wayinni beehantinote. Ki'ne sokkaano, gosa baala waajjitannoriwa kaajjadonna wolqaataame gosawa marre!

³ Baattote aana heedhinoonniri baalu macciishshe! Ilaallate birxera noo baandiri wele wele yaanno woyite buuxxe! Buudu xurumba ufuunfanni woyiteno macciishshe.

⁴ Kaaliiqi, «Barra sammi yite xabbanno arrishsho gede, birrannihu hashshi loji gede asse noommowa gordoho hee're eela qole laeemmo» yaanno.

⁵ Woyinete laalo xinqi'nara albaanni daraarchu giggileenna gumu leanno yannara sinase murrannihu gede, diinu hatte gobba manna hatto asse gudanno.

⁶ Olantonsa reeshshi ceatenna dubbu moyichira sagale ikkanno; maalansa arro cea, hawado dubbu moyichi beeqqanno.

⁷ Olantote Mootichi Kaaliiqi, gosa baala waajjitannori shaqqadu bisiri, hojjaameeyye, wolqaataammu, jawaatootunna gobbansa wayibba beekkinoriwiinni fushshaate adhanno barri daanno. Insano Olantote Mooticha Kaaliiqa magansi'nanniwa Tsiyooni Ilaala dagganno.