HIZIQEELI 34 - Qullaawa Maxaafa

ISRAEELETE ALLAALAASINE

¹ Kaaliiqi,

² «Koo manchi beetto, Israeelete allaalaasinera, ani Mootichu Kaaliiqi yeemmore baala himanunni, «‹Saada towatanna allaala agurtine, umo'ne towaxxitinannirira ki'ne Israeelete allaalaasinera aanne'e!

³ Adonsa agginanni; ge'reewu ordanni gannoonni imaana uddidhinanni. Hardino ge'reewo gorritine ittinanni; ge'reewo kayinni diallaaltinanni.

⁴ Daafurinore ditowattinoonni; dhiwaminore dixagissinoonni. Hiiqqaminore disissitinoonni; billaallinore gamba diassitinoonni; bainore dihassinoonni. Hatto assa agurtine, wolqatenninna jaddotenni ce'inoonninsa.

⁵ Ge'reewuno allaalaanchu noonsakki daafira billaallino; moyichuno bibbide itinonsa.

⁶ Kunnira, ge'reewi'ya seeddaanna gaarraranna ilaallara raataawino. Baatto baalate aanano billaallino; allaalinonsahunna hasinonsahu dino.

⁷ « ‹Xaano ki'ne allaalaasine ani Kaaliiqi yeemmo'nere macciishshe.

⁸ Ani heeshshote Magano ikka'yanni xaareemmona, allaalaasine'ya saada'ya hasa agurte insanaa towaxxitino daafira, ge'reewi'ya allaalannoha hooge, itannohura qiniino.

⁹ Kunnira, ki'ne allaalaasine macciishshe"e.

¹⁰ Ani Mootichu Kaaliiqi ki'nera hanqunni kaoommota xawoho kuleemmo'ne; ge'reewo'ya anga'nenni adheemmo. Umo'ne calla maddadhitinara diagureemmo; ge'reewo'ya allaaltinannikki gede asseemmo; kunni ka'a ki'nera sagale ikkara wore diagureemmo› yiino yite kulinsa» yiie.

KAALIIQI DANCHA ALLAALAANCHOOTI

¹¹ Mootichu Kaaliiqi, «Ani umi'ya ge'reewo'ya hasi'reemmo; seekke allaa'leemmo.

¹² Ge'reewu allaalaanchi billaallino ge'reewo gamba asse allaalannonte gede, anino mittowa gamba asse seekke allaaleemmonsa. Hakkunni tunsichunna qarru barrinni billaallitino dargi baalunkunni gamba asseemmonsa.

¹³ Allaggu gobba baalantenni gamba asseemmonsa; mitteenni gamba asse gobbansa qoleemmonsa. Israeelete ilaallanna bu'a baalanniwa haa're ha'reemmonsa; masse danchu qanchi giddo hosiiseemmonsa.

¹⁴ Israeelete gobbara shaqqado saadate hayisso noo ilaallaranna lagga baalate bobbakke yaaddo nookkiha ittanno gede asseemmonsa.

¹⁵ Ani umi'ya ge'reewo'ya allaa'leemmo; garga'ranno dargano qixxeesseemmonsa. Ani Mootichu Kaaliiqi konne coye coyi'roommo.

¹⁶ «Bainore hasi'reemmo; billaallinore gamba assi'reemmo; hiiqqaminore sisseemmo. Dhiwaminore xagiseemmo; misinorenna jawaatinore kayinni sammi yee agureemmo. Togo asseemmohuno ani taashshe laeemmo allaalaancho ikkoommohuraati.

¹⁷ «Kunnira, ki'ne ge'reewi'yara ani Mootichu Kaaliiqi coyi'reemmori konneeti. Dancha bushuwiinni, ge'reewo meuwiinni badeemmo.

¹⁸ Miti miti'ne dancha hayisso ittineno diduubbinoonni; ittinannikki hayisso kakkaddine huntinanni; xalala waa aggine gatinoha boo'reesitinanni.

¹⁹ Wolu ge'reewi'ya ki'ne kakkaddinoonni hayissolla itanno; ki'ne boo'reessitinoonni waalla aganno.

²⁰ «Kunnira, ani Mootichu Kaaliiqi, ki'ne misaddunna yaraddu ge'reewi'ya mereero yoo yeemmo.

²¹ Yaradda qoti'nenninna lekka'nenni xiibbine tugginanni; buudda'nenni qassinanni hoshshate giddonni fushshitinanni.

²² Ani kayinni ge'reewo'ya gatiseemmo. Kunni ka'a itannohura wore diagureemmo; danchano bushuwiinni badeemmo.

²³ Soqqamaancho'ya Daawiti lawanno moote allaalete woreemmo; isino seekke allaalannonsa.

²⁴ Ani Kaaliiqi Maganonsa ikkeemmo; soqqamaancho Daawiti lawanno moote gashshaanchonsa asseemmo. Ani Kaaliiqi togo yoommo.

²⁵ Keere heedhanno gede hexxo eemmonsa; busha moyicho baattote aaninni huneemmo. Kunnira, ge'reewi'ya halalla hee'ranno; dubbohono keere galanno.

²⁶ «Ani maassi'reemmonsa; Qullaawu Ilaali'ya gaangaawira hee'ranno gede asseemmonsa. Hasiisannonsa yannara ikkanno geeshshi xeena ee maassi'reemmonsa.

²⁷ Haqqe laaltanno; gatuno gide fushshanno; mittu mittunku isi umisi baattora keere hee'ranno. Manni'ya qambara hiiqqaqqe, borojjimma gashshitinonsa kaajjaddi anganni wodeemmonsa. Hatte yannara ani Kaaliiqa ikkoommota affanno.

²⁸ Hakkunni gedensaanni, wole daga dimiiccannonsa; moyichu dibibbidannonsa; waajjishannonsari nookkiha keere heedhanno.

²⁹ Shaqqado loosidhanno darga eemmonsa; baattonsa aaninnino hude huneemmo; hakkunni gedensaanni, wole daga diqacifattannonsa.

³⁰ Hakkunni gedensaanni, ani Kaaliiqi Maganinsa ledonsa noommotanna insano manna'ya ikkitinota mannu baalu afanno; ani Mootichu Kaaliiqi konne coye coyi'roommo» yii.

³¹ Mootichu Kaaliiqi, «Ki'ne ge'reewi'ya, qanchi'ya hoshshaati. Ani Magano'neeti; ki'neno manna'yaati. Konne coye coyi'roommohu ani Mootichu Kaaliiqaati» yii.