FAARSO 98 - Qullaawa Maxaafa

KAALIIQI KALQETE GASHSHAANNAATI

¹ Kaaliiqi dhaggete looso loosino daafira, isira haaro faarso faarse; umisi wolqanninna qullaawa jawaantesinni qeelle afi'rino.

² Kaaliiqi qeellesi leellishi; daga baala gatisaanchimmasi affanno gede assi.

³ Israeelete mannira ammanamasinna bagamannokkiha baxillesi leellishi; gosa baala Maganinke gatisanno gara affu.

⁴ Baattote aana heedhinanniri baalu Kaaliiqira ilillisse; faarsotenninna ililleettetenni galattesi.

⁵ Bagana gantinanninna faarsitinanni Kaaliiqira galata shiqishshe.

⁶ Suusullenna buudu xurumba ufuuffinanni, Kaaliiqi mootenkera ilillisse.

⁷ Baarunna giddosi heedhinoonni kalaqami baalu harqe; kalqenna aanase heedhinoonniri baalu faarse.

⁸ Ha'ranno wayi baalu anga gano; ilaallano mitteenni hagiirrunni faarsito.

⁹ Isi baattote aana baalunkura halaalenna taalo coyi'rara daanni noona, insa Kaaliiqa magansidho!