FAARSO 95 - Qullaawa Maxaafa

GALATU FAARSO

¹ Amme, Kaaliiqa galantona! Agaraanchu Maganinkera hagiirrunni faarsinona.

² Galatunni albisira shinqo; ilillinsanni hagiirru faarso faarsino.

³ Kaaliiqi lowo Maganooti; maganna baalate aliidi mooteeti.

⁴ Isi eeliidi lagichinni kayise aliidi ilaali geeshsha noota, gobba baala gashshanno.

⁵ Isi kalaqino daafira baaru isiho; baattono isi seekkino.

⁶ Amme! Umonke heeshshi assine iso magansi'nona; kalaqaanchinke Kaaliiqi albaanni guluphinona.

⁷ Isi Maganonkeeti; ninkeno qanchisi ge'reewooti; ge'reewu allaalaanchi gede asse allaalannonke. Techo isi yiinota macciishshe:

⁸ Akaakka'ne halalli gobbara Meriibanna Maasahi assitunte gede, ki'neno wodana'ne dilleessitinoonte.

⁹ Annuwa'ne loosoommo looso affanni heedhenni fonqoltinoe; jiffe la'inoe.

¹⁰ Hattanne ilamara 40 diro hanqoommo; kunnira, «Ki'ne galata diafidhinoonnireeti; ani yoommotano ikka gibbinoonni» yuummonsa.

¹¹ Hanqoommo daafira, «Fooliishshote gobba die'inanni» yee xaaroommo.