FAARSO 87 - Qullaawa Maxaafa

YERUSAALAMETE GUWISHSHA

QORE OOSO FAARSO

¹ Kaaliiqi katamasi, Qullaawu Ilaalira mini;

² Israeelete gobba baalantenni roore, Kaaliiqi Yerusaalamte Katama baxanno.

³ Maganu katama! Maganu ate daafira dhaggete coye coyi'ranni noona macciishshi.

⁴ «Egentinoeri giddonni Gibitsenna Baabilooni kiireemmo; Filisxeeme, Xiroosinna Itiyophiyuno giddokki ilantinoreeti» yaanno.

⁵ Wo'munkura Aliidi Magani Tsiyooni Katama kaajjishanno; hatte yannara daga baala, «Ninke hakkiicho ilammoommo» yitanno.

⁶ Kaaliiqi manna kiiranno woyite, mitto mittonka, «Tsiyooni ilantinoreeti» yaanno.

⁷ Mannuno, «Tsiyooni, ati atootinke baalu buichooti» yaanni faarsanno.