FAARSO 82 - Qullaawa Maxaafa

MAGANU ROORE GASHSHAANNAATI

ASAAFI FAARSO

¹ Maganu gordu songo mereero ofollanno; magannate songo giddo yoo yaanni,

² «Yoo shokkishshinannihu mamooti geeshshaati? Bushuulleho golantinannihu mamooti geeshshaati?

³ Gadadaammahonna buxoho halaale coyidhe; qarraataammahonna shettinorira coyi'rammensa.

⁴ Manniweeltinorenna qarrantinore, bushuullu anganni gatissensa» yaanno.

⁵ Ki'nera kayinni egennonna wodancha dino'ne; tunsichu giddo heedhinoonni; baattote aaninni halaalu co'o yee baino.

⁶ Ani, «Ki'ne magannate; Wo'munkura Aliidi Magani oosooti.

⁷ Ikkollana, mannu gede reyitinannireeti; ayee gashshaano gede diri'neno goofanno» yeemmo'ne.

⁸ Magano ballo, kai! Daga baalanti atetena, baattote aana yoo yii.