FAARSO 8 - Qullaawa Maxaafa

MAGANU LOWIMMANNA MANNU AYIRRINYE

SUUSULLETENNI FAARSAANOTE ROORRICHITA DAAWITI FAARSO

¹ Kaaliiqa Mootichanke, su'mikki baatto baalate aana hiittoo ayirradooti! Galatikkino baattotenni kae gordu geeshsha duduwamanno.

² Oosotenna qaaqquullu afiira worootto galatinni, baarigaarakkinna komaanchokki sammi assatto.

³ Angakki looso gordo, basensara woroottore agananna beeddahe la'nanni woyite,

⁴ isire hedattora isi mannu ayeti? Towatattosira isi mannu maati?

⁵ Sokkaasinetewiinni shiimare ajishshe, ayirrinyunna galatu ba'latto woroottosi.

⁶ Angakki loosi baalu aana moohisoottosi; baalankare lekkasira woroonni gashshiishitto.

⁷ Saadatenna moyicho baalaho,

⁸ iimi ceara, baaru qulxu'miranna, baaru giddo hee'rannorira baalaho aliidiha assoottosi.

⁹ Kaaliiqa Mootichanke, su'mikki baatto baalate aana hiittoo ayirradooti!