FAARSO 70 - Qullaawa Maxaafa

KAA'LO AFI'RATE SHIQINSHOONNI HUUCCATTO

FAARSAANOTE ROORRICHIRA QAAGGONNITA DAAWITI FAARSO

¹ Magano ane gatisie; Kaaliiqa'ya rakke kaa'lie.

² Lubbo'ya huntara hasidhannori irraabbo; tootayyaabbo; busha maltannoeri badhera higgo; shollito.

³ Hii"i yitannori, Kaaliiqi qeeleennansa irraabbe badhera higgo.

⁴ Ate hasidhannori baalu hagiidhito; gatisaanchimmakki galaxxitannori wo'manka woyite, «Maganu lowoho!» yito.

⁵ Ani mitiimmaamohonna gadadaamohona, Magano'ya rakke kaa'lie; kaa'laanchi'yanna gatisaanchi'ya ateeti.