FAARSO 67 - Qullaawa Maxaafa

GALATU FAARSO

FAARSAANOTE ROORRICHITA BAGANUNNI GALATU FAARSO

¹ Magano mararinke; maassi'rinke; shaqqillunni lainke.

² Kunninni kainohunni, daga baalante mereero gatisaanchimmakki, baatto baalate aana hedokki egennantanno.

³ Magano! Ate gosa galattohe; daga baala galattohe.

⁴ Halaale coyi'rattonsa daafiranna, baattote aanano heedhanno gara kulattonsa daafira, daga baala hagiirrunni faarsitohe.

⁵ Magano! Ate gosa galattohe; daga baala galattohe.

⁶ Maganu maassi'rannonke daafira, baatto gide laashshitanno.

⁷ Maganu maassi'ronke; baattote aana noo gosa baalano ayirrissosi.