FAARSO 47 - Qullaawa Maxaafa

KAALIIQI GOBBA BAALATE MOOTEETI

FAARSAANOTE ROORRICHITA QORE OOSO FAARSO

¹ Daga baala, anga'ne ganne; hagiirru qaalinni Maganoho faarse.

² Wo'munkura Aliidihu Kaaliiqi waajjinanniho; baatto baalate aanano isi jawa mooteeti.

³ Daga ninkera woroonni galtannore assino; gashshootuwano ninkera hajajantannore assino.

⁴ Ragi'neemmo baattono doorinonke; ninke ku'lineemmotino iseeti; ninkeno baxannonke mannasiiti.

⁵ Maganu ayirradu dargasi ha'ri woyite, Kaaliiqi iimira hige ha'ri yannara, ililleettenna buudu xurumbi luulo macciishshinoonni.

⁶ Galatu faarso Maganinkera faarse; galatu faarso mootenkera faarse.

⁷ Kaaliiqi baatto baalantera mootete; kunni daafira, guwishshu faarso faarsesi.

⁸ Maganu dagate moohanno; Maganu qullaawu barcimisira ofollanno.

⁹ Gosate roorrooti Abirihaami Magani manni ledo songitanno; isino baattote wolqaataammira baalaho aliidiho. Wo'munkunni roore ayirradoho.