FAARSO 43 - Qullaawa Maxaafa

QARRU YANNA HUUCCATTO

¹ Magano'ya ballo! Garoommota egensiisie; anera ha'lite halaaluwiinni xeerti'rino manni ledo ati coyi'ramie; dogaanchunna bushu manniwiinni gatisie.

² Magano golo'ya mayira agurattoe? Diini'ya gadadisannae yaadanni mayira hee'reemmo?

³ Massaggannoe gede caabbichokkinna halaalekki soyie; insano galattowa qullaawu ilaalikkiwa haadhe massitoe.

⁴ Hatte yannara, kakkallanni dargi Maganunnihuwa, hagiirsiisannoe Maganiwa mareemmo; ate Magano Magano'ya! Gingilaatunni galaxxeemmohe.

⁵ Lubbo'ya ballo! Mayira dadillatta? Mayirano daassattae? Xaano Magano gatisaancho'ya galaxxeemmona, atino iso hexxi.