FAARSO 41 - Qullaawa Maxaafa

DHIBBU YANNARA HUUCCI'NOONNI HUUCCATTO

FAARSAANOTE ROORRICHITA DAAWITI FAARSO

¹ Gadadaammu daafira xissiisi'rannohu ba'raa'rinoho; Kaaliiqi qarru barra gatisannosi.

² Kaaliiqi agare lubbotenni worannosi; baattote aanano maassaminoho yinanna hee'ranno; baarigaarrasirano sayise diaannosi.

³ Kaaliiqi dhiwame goxinowa hee'reenna kaa'lannosi; fayyimmano qolannosi.

⁴ Anino, «Kaaliiqa'ya, ate aana sao assoommona maarie; dhibba'yano hursie» yoommo.

⁵ Baarigaarra'ya ane aana bunshe coyidhanni, «Mamoote reya ikka? Su'misino mamaro hawama ikka?» yitanno.

⁶ Ane la'ara dagganno woyite, goowi alita dogganno; busha duduwo corte, dargunni darga sa'anni su'ma'ya huntanno.

⁷ Gibbannoeri baalu gamba yite hashaashantanno; anera busha gantanno.

⁸ «Bushu dhibbi amadinosina, xaate hakkiinni dika"anno» yitanno.

⁹ Lubbote jaali'ya hexxoommohu, ledo'ya hurbaate itinohu, anera badhe wodhinoe.

¹⁰ Kaaliiqa'ya ballo, baarigaarra'ya rabbisi'reemmona, maarie; fayyimmano uyie.

¹¹ Baarigaarra'ya qeeltannoe gede assoottoekki daafira, baxoottoeta kunninni afoommo.

¹² Ane danchumma assa'ya daafira yite kaa'lattoe; hegerera albakkiinni worattoe.

¹³ Israeelete Magani Kaaliiqi hegere hegerera galatamo! Hamii'ni! Hamii'ni!