FAARSO 38 - Qullaawa Maxaafa

SHETINO MANCHI HUUCCATTO

QAAGGONNITA DAAWITI FAARSO

¹ Kaaliiqa'ya ballo, hanqikkinni ruffootie; aarikkinni gantootie.

² Maxxikki qasinoe; angakkino aana'ya dirritino.

³ Hanqikkinni kainohunni maali'ya difayyino; cubbi'yanni kainohunni manninati'ya keere diafi'rino.

⁴ Cubbi'ya lolahu gede egemminoe; lowo duhi gede ayirrinoe.

⁵ Hambe'yanni kainohunni, mada'ya shante bobbu.

⁶ Lowo geeshsha gadadamoommo; barra wo'ma wi'lanni kadame keeshshoommo.

⁷ Fooggalunni kainohunni giiramoommo; lowo geeshsha dhiwamoommo.

⁸ Lowo geeshsha daafure shaqqoommo; dhibbunni kainohunni hakankaroommo;

⁹ Mooticha'ya halcho'ya baala maatiro egennootto; uratto'ya baala macciishshatto.

¹⁰ Wodana lowo geeshsha tuminoe; wolqano ba'inoe; ille'yano jaaroortino.

¹¹ Mada'yanni kainohunni baxillaano'yanna jaalla'ya shiqqo gibbinoe; fiixi'yano xooqinoe.

¹² Shitaera hasidhannoeri woshshaado wortinoe; qarrameemmota baxxannori huntannoe gara ma'litino; anera gano gana diuurrissanno.

¹³ Ani kayinni macciishshannokki macciweelo, coy'rannokki danqicha lawoommo.

¹⁴ Macciishsha hoogatenni kainohunni, tumo qolannokki manchi gede ikkoommo.

¹⁵ Kaaliiqa'ya ballo, ate hexxeemmona, Mooticha Magano'ya ati dawarattoe.

¹⁶ «Qarrameenna baarigaarra'ya hagiidhitoonke; uwa'yanni kainohunni aana'ya naaxxitoonke» yoommo.

¹⁷ Ani uwammora rahoommo; qarri'yano aani'yanni diho'lino.

¹⁸ Sao'ya ifaaxxeemmo; cubbi'ya daafira dadilleemmo.

¹⁹ Baarigaarra'ya wolqatenni no; beebbatenni gibbannoeri batidhino.

²⁰ Danchumma assoommo daafira, danchumma bunshetenni qoltannoeri gibbannoe.

²¹ Kaaliiqa ballo, ati callachishshootie; Magano'ya anewiinni faffooti.

²² Mooticha gatisaancho'ya, rakke kaa'lie.