FAARSO 32 - Qullaawa Maxaafa

CUBBO IFAAXXATENNI AFI'NANNI MAARO

DAAWITI ROSIISHSHA

¹ Saosi agurroonnisihu, Maganu cubbosi haa're hoolinosihu ba'raa'rinoho.

² Kaaliiqi hunasi kiirannosikkihu, awaawura egenninokki manchi ba'raa'rinoho.

³ Cubbo'ya ifaaxxoommokki yannara, wo'ma woyite wi'lummo; miqqa'yano daaqque.

⁴ Kaaliiqa'ya, hashshanna barra hanqikki aana'ya noo daafira, arru mooshshino haqqe gede jawaante'ya co'o yite gooffu.

⁵ Hakkunni gedensaanni, cubbo'ya atera egensiisate murci'roommo; huna'yano dimaaxoommo; atera sao'ya kuloommo; atino cubbo'ya baala aguroottoe.

⁶ Kunnira, qarru lolahi iillannonsakki gede, keeraano baala yanna heedheenna, ate huuccidho.

⁷ Ati anera maaxameemmo dargaati; qarrunni agarattoe; gatisaanchimmakkinni gaangeessoottoe daafira, qoonqo'ya naggi asse faarsi'reemmohe.

⁸ Kaaliiqi, «Rosiiseemmohe; ha'ratto doogono kuleemmohe; amaaleemmohe; ille'ya ate aana woreemmo.

⁹ Bixaallunninna lugaamunni foxxoorrikkinni, atewa shiqannokki farashshinna gaango gede, wodaniweelo ikkitooti» yaanno.

¹⁰ Bushuullu lowo qarri aana ubbanno; Kaaliiqa addaxxitannore kayinni maaro doyissitannonsa.

¹¹ Keeraano! Kaaliiqinni tashshi yoo'nena, hagiidhe; wodana subbinoonniri baalu ilillisse.