FAARSO 19 - Qullaawa Maxaafa

MAGANU AYIRRINYE KALAQAMUNNA QAALISI LEELLISHANNO

FAARSAANOTE ROORRICHITA DAAWITI FAARSO

¹ Gordu Maganu ayirrinye kulanno; gordu dukkani angasi looso duduwanno.

² Barru barraho Maganu ayirrinye lallawanno; hashshuno hashshaho afinore kulanno.

³ Qaale fushshite dihasaabbanno; huuronsano dimacciishshantanno.

⁴ Ikkirono, sokka baatto baala, qaalinsa gobbate qacce geeshsha iilli. Maganu gordoho arrishshote dukkana qasi.

⁵ Arrishsho holginni fultanno idayicho labbanno; hagiidhanni qolchamannoha jawaata mancho labbanno.

⁶ Fultannohu gordu qaccenniiti; hadhannohu qaccetenni qaccete geeshshaati; iibbillisewiinnino go'le gatannori dino.

⁷ Kaaliiqi seeri guutaho; lubbo qolanno; Kaaliiqi hajajo ammanantinote; hawanya mancho egennaamo assitanno.

⁸ Kaaliiqi amanyaati taaloho; wodana tashshi assanno. Kaaliiqi hajajo xawadote; illeno fantanno.

⁹ Kaaliiqa waajja xalalate; hegerera heedhanno. Kaaliiqi yoo wo'manka woyite, halaalenna taashsha mitteenni amaddinote.

¹⁰ Kaaliiqi Seeri culkunni, filu culkinni nafa roore halchishanno; malawunni, malawu leonni nafa roore coommanno.

¹¹ Seerikki ane soqqamaanchokki qorophisiisannoe; agadha'yannino lowo ba'raa'ra afi'reemmo.

¹² So'rosi afannohu dinona, afa hoongetenni loosoommo cubbinni gatisie.

¹³ Soqqamaanchokki guullete cubbinni agarie; cubbu aana'ya moohannokki gede kaa'lie. Hatte yannara, kullanniri nookkiha ikkeemmo; bayiru cubbiwiinni keeraaweemmo.

¹⁴ Kaaliiqa eeggate, ati irko'yaatinna wodattoehona, afii'ya qaalinna wodani'ya hedo ate albaanni biiffinota ikkito.