FAARSO 149 - Qullaawa Maxaafa

GALATU FAARSO

¹ Kaaliiqa galatte! Kaaliiqira haaro faarso faarse; ayyaanaame songo mereero galattesi.

² Israeelete manna! Kalaqaanchi'nenni tashshi yoo'ne; Tsiyooni manna! Moote'nenni hagiidhe.

³ Su'masi hagiirrunni galatte; dibbenna bagana gantinanni galattesi.

⁴ Kaaliiqi mannisinni hagiidhanno; qeelle aatenni jooguulle ayirrisannonsa.

⁵ Maganu mannira qeelle afi'ratenni tashshi yoonsa; hashsha wo'ma hagiirrunni faarso.

⁶ Lamu qari bise anga amadde ilillissanni, Magano naggi yitino qoonqonni galattosi.

⁷ Togo assitanni olaho fulturo, gashshaano qeelate, gosa qorichishate,

⁸ mootoollansa cagaagetenni usurate, roorrootansano siwiilu siiwonni usurate,

⁹ Maganu hajajino garinni manna qorichishshanno; kuni, Maganu mannisira uyino ayirrinyeeti. Kaaliiqi galatamo!