FAARSO 14 - Qullaawa Maxaafa

MANNU BUNSHE

FAARSAANOTE ROORRICHITA DAAWITI FAARSO

¹ Gowwootu wodaninsanni, «Maganu dino» yitanno. Loosinsa bushahonna hashakki'ne gimbanniho. Dancha looso loosannohu dino.

² Wodanchannohunna Magano hasi'rannohu noo gedeenni afara, Kaaliiqi gordoho hee're manna baala lai.

³ Baalunku maahoyye giwe, mitteenni battaawino; dancha looso loosannohu mittuno dino.

⁴ Kaaliiqi, «Manna'ya sagalimma ittannorinna, ane magansidhannokkiri, woyyanno coye afa hasiissannonsani!» yaanno.

⁵ Maganu keeraanote ledo noo daafira, cubbaataammu noowa heedhe massanno.

⁶ Bushuullu buxane maqqaallitanno; Kaaliiqi kayinni buxanete golamannonsa.

⁷ Israeelete gato Tsiyooninni daggo! Kaaliiqi mannisira kaayyo qolanno yannara, Yaiqoobi mini hagiidhanno; Israeeleteno tashshi yaannonsa.