FAARSO 133 - Qullaawa Maxaafa

RODIIMMATE BAXILLI GUWISHSHA

DAAWITITA IIMALLITTETE FAARSO

¹ Maganu manni rodiimmate baxillinni sumuu yee mitteenni hee'riro, lowo geeshsha danchahonna hagiirsiisannoho.

² Aarooni uminna ereedi aanaanni daadannohunna, uddanosi handaari geeshsha lolakkanno zayite ejersunnite gedeeho.

³ Hermooni Ilaalinni kae Tsiyooni gaarra widira hige coccoanno loji gedeeho; Kaaliiqi hakkunni dargira hegere heeshsho maasso aanno.