FAARSO 130 - Qullaawa Maxaafa

KAALIIQI KAA'LO AFI'RATE SHIQINSHOONNI HUUCCATTO

IIMALLITTETE FAARSO

¹ Kaaliiqa'ya ballo, hexxo mudhoommowa hee're, atewa hige raareemmo.

² Kaaliiqa'ya huuccatto'ya macciishshi! Kaa'lokki hasi're raareemmota raare'ya hidhie.

³ Cubbonke kiiroottoha ikkoommero, gatara dandaannohu ayeti?

⁴ Kayinnilla ate waajjine hajajammeemmohe gede, maarattonkehu ateeti.

⁵ Kaaliiqi kaa'lo quqquxamatenni agadheemmo; qaalesino addaxxeemmo.

⁶ Soodannota agadhanno manninni roore, ani Kaaliiqa quqquxameemmo.

⁷ Israeele! Isi bagamannokki baxillihanna, manna gatisateno wo'manka woyite qixxaawa ikkinohura, Kaaliiqa addaxxi.

⁸ Kaaliiqi mannasi Israeele cubbinsa baalunkunni maarannonsa.