FAARSO 13 - Qullaawa Maxaafa

KAA'LO AFI'RATE SHIQINSHOONNI HUUCCATTO

FAARSAANOTE ROORRICHITA DAAWITI FAARSO

¹ Kaaliiqa ballo, mamooti geeshsha hawattoe? Mamooti geeshshano alba maaxi'rattoe?

² Mamooti geeshsha qarru giddo keeshsheemmo? Dadilli'ya mamooti geeshsha keeshshanno? Diini'ya mamooti geeshsha boollaqi'rannoe?

^3-4 Kaaliiqa Magano'ya ballo, diini'ya qeeloommosi yaannoekki gede, la'e dawarie. Ani uweenna hagiidhitannokki gedenna, reyote aamameemmokki gede ille fanie.

⁵ Ani kayinni bagamannokkiha baxillekki addaxxeemmo; wodani'yano gatisaanchimmakkinni hagiidhanno.

⁶ Assinoe danchummara, Kaaliiqira faarsi'reemmo.