FAARSO 129 - Qullaawa Maxaafa

DIINUWIINNI GATATE ISRAEELE SHIQISHIDHINO HUUCCATTO

IIMALLITTETE FAARSO

¹ Anje'yanni kayisse, diinnakki lowo geeshsha okkitinonke. Kunnira, Israeelete manni baalu,

² «Anje'yanni kayisse diinna'ya mararro nookkiha okkitinoe; kayinnilla diqeeltinoe.

³ Badhe'ya lichetenni hamuruurrisse, hawuurroonni gati gedeeha assitino.

⁴ Kayinnilla ha'laanchu Kaaliiqi, haxawarrootu usurinni tire fushshinoe» yoo.

⁵ Tsiyooni gibbannori baalu qeelante, badhera higgo.

⁶ Minu iima mudhe, lophitukkinni mooltanno hayisso gedeere ikkito.

⁷ Kunni gari hayisso ayino dimixxannose; woy daccose usure adhe ha'rannohu dihee'ranno.

⁸ Mulensaanni sa'annori baalu, «Kaaliiqi jajja'ne maassi'ro» yitoonkensa. «Ninke Kaaliiqi su'minni maassi'neemmo'ne» yaannohuno hee'roonkensa.