FAARSO 128 - Qullaawa Maxaafa

KAALIIQIRA HAJAJAMATENNI AFI'NANNI MAASSO

IIMALLITTETE FAARSO

¹ Kaaliiqa ayirrissannorinna hajajosi agadhitannori, ba'raadhinoreeti.

² Hasiisannohere baala loosidhe afi'ratto; hagiirraamonna qiniitaamo ikkatto.

³ Minikki giddo ayiddaamakki, laaltanno haqqicho woyinennite gedeeta ikkitanno; oosokki hurbaate doyissite ejersu latinoha labbanno.

⁴ Kaaliiqa ayirrisannohu hatto maassamanno.

⁵ Kaaliiqi Tsiyooni hee're maassi'rohe! Heeshshokki diri baalunkunni, Yerusaalamete qawaaxxo leellishohe!

⁶ Oosokki oosono afi! Israeeleteno keeru ikko!