FAARSO 125 - Qullaawa Maxaafa

KAALIIQI MANNI AFI'RINO KEERE

IIMALLITTETE FAARSO

¹ Kaaliiqa addaxxanno manni, darginni milli yiikkinninna shafamikkinni hee'ranno ilaali Tsiyoonihu gedeeho.

² Ilaalla Yerusaalame gaangeessitinonte gede, hattonni Kaaliiqi techonni kayise hegere geeshsha mannisi gaangaawira no.

³ Haxawarrootu danchu manni baatto aana, lowo yanna gashshite diheedhanno; hatto ikkannoha ikkiro danchu mannino, insa gede bunshe loosa rosanno.

⁴ Kaaliiqa ballo, wodana subbinorira, danchumma assinsa.

⁵ Haxawarroota qorichishatto yannara kayinni, doogokki agurtinoreno qorichishi. Keeru Israeelete ikko!