FAARSO 124 - Qullaawa Maxaafa

MAGANU MANNASI AGARANNO

DAAWITITA IIMALLITTETE FAARSO

¹ Israeele: «Kaaliiqi ledonke hee'ra hoogoommero,

² diinnanke gawajjitankera ka'u yannara, Kaaliiqi ledonke hoogoommero,

³ buwannohu aarinsanni, lubbotenni hee'neenna egemmite hoogginonke;

⁴ lolahu adhe ha're hooginonke; wayino egemme hooginonke.

⁵ Wolqaataamu dambalino egemme hooginonke» yito.

⁶ Diinu gudannonkekki gede, hoolinonkehu Kaaliiqi galatamo.

⁷ Ceate gede buumbe fulle, ugaaxaasinete woshshaadowiinni gantoommo; woshshaado tatta'u; ninkeno gante fulloommo.

⁸ Tenne kaa'lo afi'noommohu, gordonna baatto kalaqinohu Kaaliiqiwiinniiti.