FAARSO 122 - Qullaawa Maxaafa

YERUSAALAMETE GUWISHSHA

DAAWITITA IIMALLITTETE FAARSO

¹ «Kaaliiqi minira ha'no» yitue yannara, tashshi yiie.

² Kuneeti xa Yerusaalamete waalcho e'ne, giddo uurrine hee'noommo!

³ Yerusaalame, danchu garinni minne, kinchu huxxinni gaangeessinoonnite.

⁴ Hajajosi garinni Kaaliiqira galata shiqishate, Israeelete ga're baala gamba yitannohu kunni katamiraati.

⁵ Daawiti sirchi mannansa gashshate, kunni katami giddo ofollino.

⁶ Yerusaalamete Katamira keeru ikkanno gede, «Baxxannoheri baalu duroo'mito!

⁷ Hoowekki giddo keeru ikko; mootimmakki mine harshammo heedho» yitine huucce.

⁸ Fiixi'yanna jaalla'ya daafira, «Yerusaalame keeru atera ikko» yee huucceemmo.

⁹ Maganinke Kaaliiqi mini daafira, Yerusaalamete danchu coyi hee'ranno gede halcheemmmo.