FAARSO 12 - Qullaawa Maxaafa

KAA'LO AFI'RATE SHIQINSHOONNI HUUCCATTO

FAARSAANOTE ROORRICHITA (SHIMINITITA) DAAWITI FAARSO

¹ Kaaliiqa ballo, wodana suwino manni goofinona, ammanamino mannino dinona, gatisie.

² Baalunku mimmitonsa dogganno; lamu arrawinni coyidhanno.

^3-4 Kaaliiqa ballo, lame coyi'ranno arrawo baala muri; «Arrawinkenni qeelleemmo; afuu uminkeho; banxummore coyi'ra dandiineemmo» yitannori afoo beeshshi.

⁵ Kaaliiqi kayinni, «Buxanete qarrira, mitiimmaammu raarera xa kaeemmo; halchitino keereno eemmonsa» yaanno.

⁶ Kaaliiqihu hexxote qaali ammanaminoho; qaalisino lamala hinge giiratenni daashshine fushshinoonni siwiili gedeeho.

⁷ Kaaliiqa ati agarinke; bushu manni kunni dirihunni hegerera gatisinke.

⁸ Mannu busha coye ayirrisanno yannara, bushu manni hasi'ri gede ikkanno.