FAARSO 113 - Qullaawa Maxaafa

MAGANU SHAQQILLE EGENSIISANNO GALATA

¹ Kaaliiqira galatu iillosi; ki'ne Kaaliiqi soqqamaano, Kaaliiqi su'ma guwisse;

² Xaano hegerera isi su'mi galatamo.

³ Kaaliiqi su'mi gobbate qaccenni qaccete geeshsha galataminoha ikko.

⁴ Kaaliiqi gashshootu baalu gashshaanchooti; ayirrinyisino gordoho aleenniiti.

⁵ Maganinke Kaaliiqi gedeehu mittuno dino. Isi wo'munkura aleenni hige hee'ranno.

⁶ Iimaanni hee're gordonna baatto woro qole la"anno.

⁷ Buxane bukote aaninni kayisanno; qarraataammano buluulu aaninni gotti assanno.

⁸ Jajjabbu jaalla assannonsa; roorrootu ledo ofoshshiishannonsa.

⁹ Ilaweelo mancho ilate ama assannose. Kaaliiqira galatu iillosi.