FAARSO 110 - Qullaawa Maxaafa

MAGANU DOORINO MOOTE

DAAWITI FAARSO

¹ Kaaliiqi Mootichi'yara, «Baarigaarrakki lekkakkira woroonni qolammo geeshsha, qiniite'yaanni ofolli» yiisi.

² Kaaliiqi gashshootikki roorre Tsiyooninni kayise halashshohe; baarigaarrakki aana roorre afi'ri.

³ Olaho fulatto barra olantokki baxxe ledokki fultanno; ilamitto waro qullaawa ikkakki xabbanni no; ilamitto yannanni kayisse ati soodo loji gedeeho.

⁴ Kaaliiqi, «Melketsedeqi gede hegerera, qeesicha ikkatto» yee xaarino; xaarosino soorrantannokkite.

⁵ Mootichu qiniitekkiinni no; hanqanno woyite mootoolla cancananno.

⁶ Gosate aana yoo yaanno; olu xawono reeshsha calla assanno; baattote aana noo mootoolla baala gudanno.

⁷ Moote doogote gama noo buichonni waa agihu gedenasaanni, wolqa assi're bareendesi leellishino.