FAARSO 11 - Qullaawa Maxaafa

MAGANO ADDAXXA

FAARSAANOTE ROORRICHITA DAAWITI FAARSO

¹ Ani Kaaliiqa golo'ya assi're hee'reenna, ki'ne manna, «Ceichote gede ilaallate widira higge xooqi» mayira yitinannieyya?

² Tunsicho go'lite wodana subbinore qassara, kuneeti cubbaataammu digaanansa bedeedde, worbichonsa wodhite agarte no.

³ Seerunna woga darginni ka'uro, keeraanchu hige ma"asse afanno?

⁴ Kaaliiqi Qullaawu Minisi giddo no; Kaaliiqi ayirradu barcimisira gordoho no; illesi manna baala la'anno; assinannire baala afanno.

⁵ Kaaliiqi keeraanonna cubbaataamma fonqole la"anno; bunshenna beebba assa baxxannore kayinni giwanno.

⁶ Bushuullu aana ruqanonna giirate buwano dirrisanno. Giirtanno diilallo abbe aanaho ganannonsa.

⁷ Kaaliiqi halaalaancho ikkino daafira, halaale baxanno. Wodana subbinori ledosi heedhanno.