FAARSO 101 - Qullaawa Maxaafa

MOOTE KAALIIQIRA XA'NINO XANO

DAAWITI FAARSO

¹ Kaaliiqa, faarso'ya bagamannokki baxillikkinna taalo coyi'rakki daafiraati; hatte faarsono atera faarseemmohe.

² Ati anewa dayittoro, minshe nookki heeshsho hee'reemmo. Mine'ya keeraancho heeshsho hee'reemmo.

³ Busha coye afe sammi diyeemmo; Maganunni hee'rannokki manni loosanno looso dibaxeemmo; insa loossannori ledo xaadu dihee'rannoe.

⁴ Shokkashshu manniwa gamba diyeemmo; bunshete ledo xaadu dihee'rannoe.

⁵ Hashaashshe manna he'mitannore beeshsheemmo; boonaleeyyenna naaxxaleeyye dimarareemmo.

⁶ Maganoho ammanantinori ane ledo heedhanno gede, ille'ya insa widira la'anno; anera wodana subbinori soqqantannoe.

⁷ Mittu dogaanchino mine'ya dihee'ranno; kaphaanchuno alba'yaanni dileellanno.

⁸ Soodo soodontenni baattote aaninni cubbaataamma huneemmo; bushuulle Kaaliiqi katami giddonni gudeemmo.