Salmib 87 - Quiché Bible

Cäya' u k'ij ri u tinimit ri Dios

¹ Ri e u tac'alibal ri u tinimit ri Dios e c'o paquiwi' ri e tastalicalaj tak juyub.

² Ri Ajawaxel lok' queril na ri oquibal pa Sion chquiwäch conojel tak ri rachoch ri Jacob.

³ U tinimit ri Dios, sibalaj e je'l na ri jastak ri quebix chawij:

⁴ “Chquixo'l tak ri tinimit ri queta'm nu wäch cuya' quinnataj ri Ejipt, ri Babilon, ri pilistey, ri Tir xukuje' ri Etiopiy; conojel wa' chawe xeq'uiy wi.”

⁵ Cäbix na che ri tinimit Sion: “We jun ri' xukuje' we jun chic ri' ruc' are' xebalax wi.” Are' ri aj chicaj u jiquibam u bixic.

⁶ Ri Ajawaxel cutz'ibaj chupam ri wuj jawije' ri tz'ibatal wi ri qui bi' ri tinimit: “Wa' xalax ruc' are'.”

⁷ E are c'ut ri quebixonic xukuje' ri quexojowic, je cäquibij wa: “Ri nu jekelibal c'o awuc'.”