Salmib 114 - Quiché Bible

Natabal rech ri elem ulok pa Ejipt

¹ Aretak ri Israel, ri rachoch ri Jacob, xel ulok pa Ejipt, chupam ri itzel tinimit.

² Ri Juda xux ri c'olbal ri cak'ijilax wi ri Ajawaxel; xujekeba' c'ut ri u takanic pa Israel.

³ Aretak ri plo xril ri Israel, xanimajic; ri nima' Jordan xtzelej chrij.

⁴ ¡Ri juyub xukuje' tak ri c'ache'laj xech'opinic jacha' ama'ib tak chij xukuje' alaj tak chij!

⁵ ¿Jas xac'ulmaj plo chi xatanimajic? ¿Jas xac'ulmaj Jordan chi xattzelej chawij?

⁶ ¿Jas ri xic'ulmaj juyub xukuje' tak c'ache'laj chi xixch'opinic jacha' ama'ib tak chij xukuje' alaj tak chij?

⁷ ¡Chatbirbobok at, ulew chuwäch ri Ajawaxel, ri u Dios ri Jacob!

⁸ ¡Ri are' xebujalwächij ri tac'atak tak abaj pa tak c'ua'! ¡Xebujalwächij ri nimalaj tak abaj pa qui q'uiyibal tak ja'!