Salmib 113 - Quiché Bible

Cäk'ijilax ri rutzil ri Ajawaxel

¹ ¡Chyo'k u k'ij ri Ajawaxel! Pataninel tak rech ri Ajawaxel, ¡chiya' u k'ij ri u bi'!

² ¡Tewichital camic xukuje' amak'el ri u bi' ri Ajawaxel!

³ ¡Chyo'k u k'ij ri u bi' ri Ajawaxel pa elebal k'ij c'ä pa ri u kajebal k'ij!

⁴ Ri Ajawaxel c'o paquiwi' ri nimak tak tinimit; ¡ri u juluwem c'o puwi' ri caj!

⁵ Man c'o ta jun ri cäjunamataj ta ruc' ri Ajawaxel, ri ka Dios, ri cätakan chila' pa ri caj,

⁶ cupachba' c'u ne ulok rib che rilic ri caj xukuje' ri uwächulew.

⁷ Ri Ajawaxel cuwalijisaj ri meba' ri c'o pa ri ulew, ri c'o u rajawaxic cäresaj chupam ri tz'ilalaj c'olbal ri c'o wi pa ri c'axalaj c'olbal ri c'o wi,

⁸ rech cut'uyuba' chquixo'l winak ri nimak qui k'ij, chquixo'l winak ri nimak qui k'ij re ri u tinimit.

⁹ Cuban che ri man c'o ta ral chi cac'oji' chquixo'l alaxic, chi quicotok chi qui nan alc'ualaxelab, xukuje' chi c'o ri kas rachoch. ¡Chyo'k u k'ij ri Ajawaxel!