Ri Josue 15 - Quiché Bible

Ri rulew ri Juda

¹ Ri ulew ri xquitaklebej ri e u k'ab tak rachalaxic ri ramak' ri Juda xopan c'ä pa ri u c'ulbatil ri Edom, pa ri u mox elebal k'ij xetakal pa ri chaki'j uwo sak re Zin.

² Pa ri c'olbal ri' ri u c'ulbatil cachaptaj bic puwi' ri tz'ipitz'ic ri c'o chuchi' ri Cäminak Cho,

³ cataken chi c'ut pa ri u mox ri elebal k'ij cutakej ri pakalic ri cabe pa Acrabim, coc'ow pa ri chaki'j uwo sak re Zin pa ri u mox ri Cades-barney; catakextan c'ut c'ä pa Hezron, capaki' c'ä pa Adar cacotin c'ut chusuq'uil ri Carc,

⁴ ri cataken c'ä pa Asmon, rech quel pa ri nima' re Ejipt queq'uis c'ä chuchi' ri Plo Mediteran. Are' c'ulbatil wa' pa ri u mox elebal k'ij.

⁵ Pa ri elebal k'ij, ri c'ulbatil are' ri Cäminak Cho quetakal c'ä pa ri roquibal ri Jordan. Chila' c'u cachaptaj wi bic ri c'ulbatil aj riquiak'ab aj elebal k'ij,

⁶ ri capaki' pa Bet-hogla coc'ow c'u pa ri riquiak'ab elebal k'ij che ri Bet-arab, quel bic chila' quetakal ruc' ri xäk re Bohan Ben-Ruben;

⁷ capaki' chi c'u ulok che ri beya' re Acor cabe pa Debir catzelej chi c'ut pa Jilgal, ri c'o chuwäch ri pakapic re Adumin, pa ri u mox ri alaj nima'; coc'ow chi c'ut ri c'ulbat jawije' c'o wi ri bulbux ja' ri c'o pa En-sems cataken c'ut c'ä pa ri rech ri En-rojel;

⁸ coc'ow c'ut pa ri beya' re Ben-hinom, pa ri u mox ri pakapic ri c'o pa Jebus, ri u bixic, Jerusalen; capaki'xtax c'ut puwi' ri juyub ri c'o pa ri u kajebal k'ij che ri beya' ri c'o pa Hinom pa ri riquiak'ab ri beya' ri c'o pa Repaim,

⁹ rech cacotin c'ut puwi' ri juyub copan c'ä pa ri bulbux ja' ri c'o pa Nepto, quetakal c'ä pa tak ri tinimit ri e c'o pa Epron, coc'ow pa Baala, ri xukuje' cäbix Quiriat-jearim che.

¹⁰ Quel pa Baala, ri c'ulbatil catzelej pa ri u kajebal k'ij quetakal c'ä pa ri juyub re Seir, coc'ow c'u pa Quesalon, pa uxcut ri riquiak'ab elebal k'ij che ri juyub Jearim, c'äte chi c'u cakaj c'ä pa Bet-sems coc'ow c'u pa Timna

¹¹ xukuje' pa tak ri pakapak ri c'o pa ri riquiak'ab ri elebal k'ij che ri Ecron, cabe chi c'u chusuq'uil ri Sicron, coc'ow pa ri juyub ri c'o pa Baala, quel c'u bic cabe pa Jabneel rech queq'uis chuchi' ri Plo Mediteran.

¹² Chuq'uisbalil, ri c'ulbat che u kajebal k'ij are' ri Plo Mediteran. E are' tak qui c'ulbatil wa' ri echbal ri xequirik ri e aj ramak' ri Juda, ri xejach chquixo'l ri u k'ab tak rachalaxic ri amak'.

Ri Caleb cuch'äc ri Hebron xukuje' ri Debir

¹³ Ri Josue xuya' che ri Caleb, ri u c'ojol ri Jepon, jubik' rulew ri ramak' ri Juda. Je jas ri takanic ri u yo'm ri Ajawaxel, xuya' ri Quiriat-arba che, che u bixic, Hebron, tinimit ri nim u k'ij chquiwäch ri e rija'l ri Anac ri tac'atak rakan.

¹⁴ Ri Caleb xeresaj bic chila' oxib rija'l ri Anac, are' qui bi' wa', Sesay, Ahiman xukuje' Talmay.

¹⁵ Xbe chi c'u chquij ri e jekel pa Debir, ri cäbix can Quiriat-seper che nabe,

¹⁶ xubij c'ut: “Ri cach'ojin ruc' cuch'äc c'ut we tinimit ri', quinya' na ri nu mia'l Acsa che, che rixokil.”

¹⁷ Ri xch'äcow ri tinimit are' ri Otoniel u c'ojol ri senaz ri rachalal, xuya' c'ut ri Caleb ri Acsa ri u mia'l che rixokil.

¹⁸ Aretak c'u benam cuban cho rachoch, ri Otoniel, ri Otoniel xucoj u c'u'x ri Acsa chi chutz'onoj che ri u tat ulew re ticonijibal. Xkaj c'ut ri Acsa chrij ri bur, ri Caleb xuban we c'otoj chi'aj ri' che: “¿Jas ri cajwataj chawe?

¹⁹ Quinwaj quintz'onoj jun tok'ob che la” xcha' ri Acsa che. “Yo'm la ulew chwe pa ri chaki'j uwo sak rech ri Negueb, xukuje' cheya' la u q'uiyibal tak ja' chwe.” Ri Caleb xebuya' ri u q'uiyibal tak ja' che ri e c'o ajsic xukuje' ri e c'o iquim.

Ri u tinimit ri ramak' ri Juda

²⁰ E are' tak echbal wa' ri xeya' che ri ramak' ri Juda, ri xejachic je jas ri e u k'ab tak rachalaxic.

²¹ Ri tinimit tak ri xeya' chque pa ri ulew ri c'o pa ri u mox k'ab ri elebal k'ij, che ri u suq'uil ri u c'ulbatil ri Edom, e are' wa': Cabseel, Edar, Jagur,

²² Sin, Dimon, Adad,

²³ Seds, Hazor, Itnan,

²⁴ Zip, Telem, Bealot,

²⁵ Azor-adat, Queriot, Hezron (ri xukuje' cäbix Hazor che),

²⁶ Amam, Sema, Molad,

²⁷ Hazar-gad, Hesmon, Bet-pelet,

²⁸ Hazar-sual, Beerseb, Bizot,

²⁹ Baala, Iim, Esem,

³⁰ Eltolad, Quesil, Horm,

³¹ Siclag, Madman, Sansan,

³² Lebaot, Silim xukuje' ri En-rimon. Chi conojel, e juwinak belejeb (29) tak tinimit e cachil ri e u k'ab tak qui tinimit.

³³ Pa ri lianic xequitaklebej we tak tinimit ri': Estaol, Zor, Asen,

³⁴ Zano, En-ganim, Tapu, Enam,

³⁵ Jarmut, Adulam, Soc, Azec, Saaraim,

³⁶ Aditaim, Jeder xukuje' ri Jederotaim, e cajlajuj (14) tak tinimit e cachil ri e u k'ab tak qui tinimit.

³⁷ Tak ri tinimit re Zenan, Hadas, Migdal-gad,

³⁸ Dilean, Mizpa, Jocteel,

³⁹ Lacs, Boscat, Eglon,

⁴⁰ Cabon, Lamam, Quitlis,

⁴¹ Jederot, Bet-dagon, Naama xukuje' Mased, waklajuj (16) tak tinimit e cachil ri e u k'ab tak qui tinimit.

⁴² Ri tinimit tak re Libna, Eter, Asan,

⁴³ Jipta, Asen, Nezib,

⁴⁴ Keil, Aczib xukuje' Mares, belejeb tak tinimit e cachil ri e u k'ab tak qui tinimit.

⁴⁵ Ri tinimit Ecron e rachil tak ri e u tinimit xukuje' e u k'ab tak u tinimit,

⁴⁶ quel pa Ecron quetakal c'ä chuchi' ri plo ronojel ri ulew ri c'o chunakaj ri Asdod, junam e rachil ri e u k'ab tak u tinimit.

⁴⁷ Ri tinimit re Asdod e rachil tak ri e u tinimit xukuje' ri e u k'ab tak u tinimit, xukuje' ri tinimit re Gaz e rachil tak ri e u tinimit xukuje' ri e u k'ab tak u tinimit, quetakal c'ä chuchi' ri nima' re Ejipt, xukuje' chuchi' ri Plo Mediteran.

⁴⁸ Pa ri c'ache'laj ulew xquitaklebej ri aj Juda we tak tinimit ri': Samir, Jatir, Soc,

⁴⁹ Dana, Quiriat-san (ri xukuje' cäbix Debir che),

⁵⁰ Anab, Estemo, Anim,

⁵¹ Gosen, Holon xukuje' Jil, julajuj tak tinimit cachil tak ri u k'ab tak qui tinimit.

⁵² Tak ri tinimit re Arab Dum, Esan,

⁵³ Janum, Bet-tapu, Apec,

⁵⁴ Humta, Quiriat-arba (ri xukuje' cäbix Hebron che), xukuje' Sior, belejeb tak tinimit e cachil ri e qui k'ab tak qui tinimit.

⁵⁵ Ri tinimit tak re Maon, Carmel, Zip, Jut,

⁵⁶ Jezreel, Jocdeam, Zano,

⁵⁷ Cain, Gabaa xukuje' Timna, e lajuj tinimit tak cuc' ri alaj tak tinimit ri e qui k'ab.

⁵⁸ Ri tinimit tak re Halul, Bet-sur, Jedor,

⁵⁹ Maarat, Bet-anot xukuje' ri Eltecon, wakib tinimit tak e cachil ri e u k'ab tak qui tinimit.

⁶⁰ Ri tinimit tak re Quiriat-baal, ri xukuje' cäbix Quiriat-jearim che, xukuje' ri Rab, e cachil tak ri e u k'ab tak qui tinimit.

⁶¹ Pa ri chaki'j uwo sak xequitaklebej ri tinimit tak re Bet-arab, Midin, Secac,

⁶² Nibsan, tinimit re atz'am, xukuje' ri Engad, wakib tak tinimit e cachil ri e qui k'ab tak qui tinimit.

⁶³ Ri e rija'lil ri Juda man xecuin taj xequesaj ta bic ri jebuseyib pa Jerusalen ri e jekel chila', c'ä e jekel c'u ne ri jebuseyib camic pa Jerusalen junam cuc' ri e rija'l ri Juda.