Nabe Tzijobelil 7 - Quiché Bible

E rija'lil ri Isacar

¹ Ri e u c'ojol ri Isacar e quiejeb: Tola, Poa, Jasub xukuje' ri Simron.

² Ri e u c'ojol ri Tola e are' ri Uz, Repaiy, Jeriel, Jamay, Jibsam xukuje' ri Semuel, e c'amal tak qui be ri rachalal ri Tola xukuje' e cowilaj tak banal ch'o'j kas e are' e quesan ulok ri e qui mam. Pa tak ri e u k'ijol ri David, ri cajilabal xopan juwinak quieb mil wakib sient (22,600).

³ Ri u c'ojol ri Uz are' ri Israhiy. Ri e u c'ojol ri Israhiy e are' wa' Micael, Obadiy, Joel xukuje' ri Isiy. E job c'amal tak be, chi conojel.

⁴ Rumal c'u rech chi e c'o q'ui quixokil xukuje' tak qui c'ojol, ri e quech jalan tak ija'lil, ri cachalal ri xebux jutak k'at achijab ri e takal che u banic ch'o'j, ri xopan juwinak waklajuj mil ri (36,000) ri cajilabal.

⁵ Xebajilax c'u conojel ri e nimak qui k'ij ri e aj Isacar, jas ri cajilabal ri cachalaxic, xebopan chi jumuch' wukub mil (87,000) achijab, conojel e cowilaj tak banal ch'o'j.

E rija'lil ri Benjamin

⁶ Ri e u c'ojol ri Benjamin e oxib: Bela, Bequer xukuje' ri Jediael.

⁷ Ri e u c'ojol ri Bela e job: Esbon, Uz, Uziel, Jerimot xukuje' ri Ir, conojel e c'amal tak qui be ri cachalal xukuje' e cowilaj tak ajch'ojab. Je c'ut jas ri cubij ri cajilabal ri quija'lil, xebopan pa juwinak quieb mil juwinak cajlajuj (22,034) winak.

⁸ Ri e u c'ojol ri Bequer e are' wa' ri Zemir, ri Joas, ri Eliezer, ri Elioenay, ri Omri, ri Jerimot, ri Abiy, ri Anatot xukuje' ri Alamet. Conojel wa' e u c'ojol ri Bequer,

⁹ je c'ut jas ri cajilabal ri calaxic ri quija'lil xukuje' ri e c'amal tak qui be ri e jujun tak ja winak, e juwinak mil quieb sient juwinak (20,220) cowilaj tak achijab.

¹⁰ Ri u c'ojol ri Jediael are' ri Bilan. Ri e u c'ojol ri Bilan e are' ri Jeus, ri Benjamin, ri Aod, ri Quenaan, ri Zetan, ri Tarsis xukuje' ri Ahisahar.

¹¹ Conojel wa' e rija'lil ri Jediael, c'amal tak qui be ri cachalal xukuje' e cowilaj tak banal ch'o'j ri quena'w che u banic ch'o'j. Ri cajilabal xopan wuklajuj mil quieb sient (17,200) achijab.

¹² Ri e u c'ojol ri Hir e are' wa' Supam xukuje' Hupam. Ri u c'ojol ri Aher are' ri Husim.

E rija'lil ri Neptali

¹³ Ri e u c'ojol ri Neptali e are' ri Jazeel, ri Gun, ri Jezer xukuje' ri Salum. E are' ri e rija'lil ri Bil.

E rija'lil ri Manases

¹⁴ Ri e u c'ojol ri Manases ri xebalax ruc' ri u man kas ta rixokil aj siriy e are' wa' Asriel xukuje' ri Maquir, u tat ri Galaad.

¹⁵ Ri Maquir xc'uli' ruc' ri Maac, canab ri Hupam xukuje' ri Supam. Ri ucab u c'ojol ri Maquir Zelopehad u bi', ri xak xuwi e u mia'l xec'ojic.

¹⁶ Ri Maac ri rixokil ri Maquir, xc'oji' jun ral ala xucoj Peres che u bi'. Ri rachalal ri Peres, Sers u bi', ri e u c'ojol Ulam xukuje' Requem qui bi'.

¹⁷ Ri Bedan are' u tat ri Ulam. E are' tak wa' ri e u c'ojol ri Galaad, u c'ojol ri Maquir, u c'ojol ri Manases.

¹⁸ Ri rana'b ri Maquir, Hamolequet, are' ri u nan ri Isod, Abiezer xukuje' ri Mahal.

¹⁹ Ri e u c'ojol ri Semid e are' wa' Ahian, Siquem, Liki xukuje' ri Aniam.

E rija'lil ri Eprain

^20-21 Ri e rija'lil ri Eprain, quiterebelam tak quib, e are' ri Sutel, ri Bered, ri Tahat, ri Elada, ri Tahat, ri Zabad, ri Sutel. Ri Ezer xukuje' ri Elad ri e niq'uiaj chic u c'ojol ri Eprain, xecämisax wa' cumal ri aj Gat, rumal rech chi xekaj bic che qui tokixic tak ri cawaj.

²² Ri Eprain ri qui tat q'ui k'ij xucoj ratz'iak re bis, xepe c'ut ri rachalaxic che u cu'bisaxic u c'u'x.

²³ Chuwichi c'u wa' xurik rib ruc' ri rixokil, xcanaj c'u yawab winak xralaj c'ut jun ral ala ri xucoj Beriy che u bi', rumal rech chi c'o u q'ueyowal chupam ri rachoch.

²⁴ Are c'u ri Seer u mia'l ri Beriy, are' xyacow ri Bet-horon ri c'o iquim xukuje' ri Bet-horon ri c'o ajsic, xukuje' ri Uzen-seer.

^25-27 Ri e rija'lil ri Beriy, ri quiterebelam tak quib, e are' ri Rep, ri Resep, ri Tel, ri Tahan, ri Laadan, ri Amihud, ri Elisam, ri Nun xukuje' ri Josue.

²⁸ Ri culew xukuje' tak ri c'olbal ri xejeki' wi e are ri Betel; Naaran, pa ri elebal k'ij; ri Jezer, pa ri u kajebal k'ij; xukuje' ri Siquem, copan c'ä pa Ayah; conojel we ri tak tinimit ri' e cachil tak ri alaj tak qui tinimit.

²⁹ Ri e rija'lil ri Manases c'o ri Taanac, pa qui k'ab, ri Meguid xukuje' ri Dor, e cachil tak ri alaj tak qui tinimit. Chupam tak we c'olbal ri' xejeki' wi ri e rija'lil ri Jose, u c'ojol ri Israel.

E rija'lil ri Aser

³⁰ Ri e u c'ojol ri Aser e are' wa': ri Imna, Isu, Isuy, Beriy xukuje' ri Ser, ri canab.

³¹ Ri e u c'ojol ri Beriy e are' wa': ri Heber xukuje' ri Malquiel, u tat ri Birzabit.

³² Ri e u c'ojol ri Heber e are' wa': ri Japlet, Semer, Hotam xukuje' ri Sua, canab wa'.

³³ Ri e u c'ojol ri Japlet e are' wa': ri Pasac, Bimal xukuje' ri Asbat.

³⁴ Ri e u c'ojol ri Semer, ri rachalal, e are' wa': ri Roga, Jehub xukuje' ri Aram.

³⁵ Ri e u c'ojol ri Hotam, ri rachalal, e are' wa': ri Zop, Imna, Sels xukuje' ri Amal.

³⁶ Ri e u c'ojol ri Zop e are' wa': ri Sua, Herneper, Sual, Beri, Imra,

³⁷ Beser, Hod, Sam, Sils, Itran xukuje' ri Beera.

³⁸ Ri e u c'ojol ri Jeter e are' wa': ri Jepon, Pispa xukuje' ri Ara.

³⁹ Ri e u c'ojol ri Ul e are' wa': ri Ara, Haniel xukuje' ri Reziy.

⁴⁰ Conojel wa' e rija'lil ri Aser. E c'amal tak qui be ri cachalaxic, e are' wa' ri cowilaj tak ajch'ojab ri c'o na qui chuk'ab, xukuje' e achijab ri nimak na qui k'ij. Jas cubij ri cajilabal ri cachalaxic e juwinak wakib mil (26,000) achijab, ri quena'w che ch'o'j.