Chapletajic 10 - Quiché Bible

Ri e rija'lil ri Noe

¹ E are wa' ri e qui ija'lil ri Sem, ri Cam, xukuje' ri Japet, ri e u c'ojol ri Noe, ri xebalaxic aretak oc'owinak chic ri k'ekal jäb.

² Ri e u c'ojol ri Japet are ri Gomer, ri Magog, ri Maday, ri Jaban, ri Tubal, ri Mesec, xukuje' ri Tiras.

³ Ri e u c'ojol ri Gomer are ri Askenaz, ri Ripat, xukuje' ri Togarm.

⁴ Ri e u c'ojol ri Jaban are' ri Elis, ri Tarsis, ri Quitim, xukuje' ri Rodanim.

⁵ E are' tak wa' ri e rija'lil ri Japet ri xenojisan tak ri tak'aj, chquijujunal tak ri nimak tak tinimit xukuje' tak ri ija'lil chupam tak ri kas culew xukuje' ruc' tak ri kas qui ch'abal.

⁶ Ri e u c'ojol ri Cam are' ri Cus, ri Mizraim, ri Pot, ri Canaan.

⁷ Ri e u c'ojol ri Cus are' ri Seba, ri Habil, ri Sabta, ri Raam, ri Sabtec. Ri e u c'ojol ri Raam are' ri Seba, ri Dedan.

⁸ Ri Nimrod are' ri u tat ri Cus, ri nabe achi ri xnimar u k'ij cho ri uwächulew.

⁹ Ri Nimrod are nimalaj tzucunel rumal ri u to'banic ri Ajawaxel. Chi' esam wi ri tzij ri cäbixic: “Junam ruc' ri Nimrod ri xux nimalaj tzucunel rumal ri u rayibal ri Ajawaxel.”

¹⁰ Ri e tinimit tak ri xtakan wi ri Nimrod are ri Babel, ri Erec, ri Acad, ri Calne, ri e c'o pa Sinar.

¹¹ Che we ulew ri' xel wi ri Asur, ri xebuyac tak ri tinimit aj Ninibe, ri Rehobot-Ir, ri Cal,

¹² xukuje' ri tinimit Resen, ri nim, ri c'o chuxo'l ri Ninibe ruc' ri Cal.

¹³ Che ri Mizraim xepe wi ri aj ludeyib, ri aj anameyib, ri aj lehabitab, ri aj naptuhitab,

¹⁴ ri aj patruseab, ri aj casluhitab xukuje' ri aj captoritab, ri xepok'isan ri aj pilisteyib.

¹⁵ Ri u nabeal ri Canaan are ri Sidon; Het u bi' ri chak'axel.

¹⁶ Xukuje' are' qui mam ri aj jebuseyib, ri amoreyib, ri aj jerjeseyib,

¹⁷ ri aj hebeyib, ri aj araseyib, ri aj sineyib,

¹⁸ ri aj arbadeyib, ri aj zemareyib, ri aj hamateyib. Xquijabuj c'u quib conojel tak ri achalaxic aj Canaan.

¹⁹ Ri culew ri aj Canaan xopan c'ä chuchi' ri ulew re Jerar, cächapletaj ulok pa Sidon copan c'ä pa Gaz; chuwäch tak ri tinimit Sodom, Gomor, Adma, Zeboim, xopan c'ä pa Las.

²⁰ E are wa' ri e rija'lil ri Cam. Chquijujunal tak ri nimak tak tinimit xukuje' tak ri achalaxic chupam tak ri kas culew xukuje' ruc' tak ri kas qui ch'ababal.

²¹ Ri Sem, ri nabeal chuwäch ri Japet, xukuje' xc'ojolanic. Conojel ri e ralc'ual ri Heber e rija'lil ri Sem.

²² Ri e u c'ojol ri Sem, are ri Elam, ri Asur, ri Arpaxad, ri Lud, xukuje' ri Aram.

²³ Ri e u c'ojol ri Aram, are ri Uz, ri Ul, ri Jeter, xukuje' ri Mas.

²⁴ Ri u tat ri Sala are' ri Arpaxad, ri u tat ri Heber are' ri Sala.

²⁵ Ri Heber xec'oji' quieb u c'ojol: Peleg u bi' jun chque, pa tak c'u ri k'ij ri' xquitasala' quib ri winak cho ri uwächulew; ri rachalal ri Peleg, Joctan u bi'.

²⁶ Ri e u c'ojol ri Joctan, are ri Almodad, ri Selep, ri Hazar-mabet, ri Jera,

²⁷ ri Adoram, ri Uzal, ri Dicla,

²⁸ ri Obal, ri Abimael, ri Seba,

²⁹ ri Opir, ri Habil, xukuje' ri Jobab. Conojel wa' e u c'ojol ri Joctan,

³⁰ xejeki' c'u pa tak ri ulew ri culic' rib che ri rulewal ri Mesa xebetakal c'ä pa Separ, ri are ri c'ache'laj ulew ri c'o pa elebal k'ij.

³¹ E are tak wa' ri e rija'lil ri Sem, chquijujunal tak ri nimak tak tinimit xukuje' tak ri achalaxic chupam ri kas culew xukuje' ruc' tak ri kas qui ch'abal.

³² E are wa' ri e calaxic ri e u c'ojol ri Noe, ri xquitasala' quib pa tak alaxic, xec'oji' c'u pa tak ri culew, e are c'u xepok'isan conojel ri nimak tak tinimit cho ri uwächulew aretak oc'owinak chic ri k'ekal jäb.